આજરોજ ભાવનગર જિલ્લાના અલંગ શિપ બ્રેકિંગ યાર્ડ ખાતે આવેલા નાના ગોપનાથ મહાદેવ નાં મંદીર ખાતે ટ્રસ્ટી મંડળ ની સાધારણ સભા મળેલ.જેમાં સ્થાનિક આજુબાજુ ના ગામનાં લોકો મોટી સંખ્યામાં એકઠા થયા હતા.આ સભા માં તળાજા તાલુકાના મામલતદાર અને બીજાં ટ્રસ્ટી ઓ ઉપસ્થિત રહ્યા હતા.ગામ લોકો એ ત્યાંના સ્થાનિક ટ્રસ્ટી સીવાય નાં અન્ય બહાર ગામનાં ટ્રસ્ટી ઓ નો વિરોધ કર્યો હતો.
કહેવાય છે કે આ મંદીર ને ભાવનગર મહારાજા શ્રી એ જમીન આપેલ જેનાં તમામ વહીવટ માં ગેરરીતિ થવા ની હોય તેવી આશંકા એ ગ્રામજનો એ વિરોધ કરેલ અને બહાર નાં જે ટ્રસ્ટી ઓ છે તેમને ટ્રસ્ટી મંડળ માંથી બહાર કાઢી નાખવા ની માંગ કરેલ.
આ નાના ગોપનાથ મહાદેવ નાં મંદીર નાં ટ્રસ્ટી મંડળ પાસે રાજાશાહી વખત ની અંદાજે 250 વીઘા જમીન આવેલ.તેમાં અલગ અલગ પ્લોટો અને દુકાનો આવેલ જેનાં મોટી સંખ્યામાં ભાડા અને નાણાં વસુલતા હોવાનુ ગ્રામજનો દ્વારા મામલતદાર ને જણાવ્યું હતું. અને નવાં નિમાયેલા ટ્રસ્ટી ઓ નો વિરોધ કરેલ.
આ ટ્રસ્ટીઓ ત્યાંના સ્થાનિક આજુબાજુ ના ગામનાં નિમવા તેવું ગામ લોકો અને આગેવાનોએ એક સૂર માં જણાવ્યું હતું. જેથી મામલતદાર શ્રી એ આવનાર સાધારણ સભા માં જેનો નિર્ણય કરશું તેમ જણાવ્યું હતું.
