રિપોર્ટ: અનુજ ઠાકર
કલાસ્મૃતિમાં ગઈકાલે તો સાચે જ મોજ પડી ગઈ. મોજ-એ-શંકરા ની ટીમે એવું મસ્ત માહોલ બનાવ્યો કે સૌ કોઈ આનંદમાં તરબોળ થઈ ગયા.
પણ વાત એટલા સુધી જ નહોતી. મોજને દસગણી કરી દીધી ‘દાસ ખમણ’ ના સરસ અલ્પાહારે, કુલ્લડ ભરેલું નરમ-મસાલેદાર ખમણ, સાથે ફુલવડી, અને ચોળા-મેથીના ઢોકળા જેનો સ્વાદ જીભે ચડીને હૃદય સુધી પહોંચી ગયો હતો.
મિત્રો, વાત માત્ર ખાવાની નહોતી; એ પળોમાં સૌ સાથે બેઠા, હસ્યા, વાતો કરી અને સંગાથનો આનંદ માણ્યો. કલાસ્મૃતિ માત્ર કાર્યક્રમ જ નહીં, પણ યાદગાર ક્ષણોનો ખજાનો બની ગયો.
આ આખું આયોજન કલાસ્મૃતિ અને ટાફ ગ્રુપના સંયુક્ત પ્રયાસોથી શક્ય બન્યું હતું. ટાફના સભ્યો પણ કાર્યક્રમમાં ઉપસ્થિત રહી સૌને પ્રોત્સાહિત કર્યા હતાં.
