રિપોર્ટ અનુજ ઠાકર.
એલ. ડી. કૉલેજ ઑફ એન્જિનિયરિંગ અને ગુજરાત સાહિત્ય અકાદમીના સંયુક્ત ઉપક્રમે આયોજિત “સાહિત્ય સરિતા ૨૦૨૬” અંતર્ગત “રોલ – કેમેરા – એક્શન” નામે વિશેષ કાર્યક્રમ ૨૨ ફેબ્રુઆરી, ૨૦૨૬ના રોજ આર્યભટ્ટ ઓડિટોરિયમ, એલ.ડી. કોલેજ ઓફ એન્જિનિયરિંગ, અમદાવાદ ખાતે સફળતાપૂર્વક યોજાયો હતો.
કાર્યક્રમમાં ગુજરાતી ફિલ્મ જગતના પ્રતિષ્ઠિત કલાકારો — ટીકુ તલસાણીયા, ભાવિની જાની, મકરંદ શુક્લ, પરિક્ષિત તમાલિયા અને લાલો ફિલ્મના ડિરેક્ટર અંકિત સખીયા ઉપસ્થિત રહ્યા હતા. જેમાં એન્કરિંગની જવાબદારી નિભાવી હતી જીટીપીએલ ન્યુઝના એડીટર દેવાંગ ભટ્ટ સાહેબે, મંચ પરથી કલાકારોએ ગુજરાતી સિનેમાની યાત્રા, પોતાના સંઘર્ષ, અનુભવ અને સફળતાની પ્રેરણાદાયી વાતો અને ફિલ્મ જગતમાં આગળ વધવા માંગતા વિદ્યાર્થીઓ અને શ્રોતાઓ તે સંબંધી વાતો શેર કરી હતી.
એ સાથે વિદ્યાર્થીઓ અને ઉપસ્થિત દર્શકો સાથે ઇન્ટરએક્ટિવ પ્રશ્નોત્તરી સત્ર યોજાયું, જેમાં અભિનય, દિગ્દર્શન, લેખન અને ફિલ્મમેકિંગ જેવા ક્ષેત્રોમાં કારકિર્દી અંગે માર્ગદર્શન આપવામાં આવ્યું. કલાકારોએ ખાસ કરીને યુવાનોને સ્વપ્નોને સાકાર કરવા માટે સતત મહેનત અને પ્રતિબદ્ધતા જાળવવા પ્રેરણા આપી.
કાર્યક્રમમાં મોટી સંખ્યામાં વિદ્યાર્થીઓ, ગુજરાતી સિનેમાના રસિકો અને ટાફ ગ્રુપના સભ્યો હાજર રહ્યા હતા. “રોલ – કેમેરા – એક્શન” કાર્યક્રમ સાહિત્ય અને સિનેમાને એક મંચ પર લાવી, સર્જનાત્મકતા અને સંવાદનું સુંદર સંમિશ્રણ સાબિત થયો.
