ગાંધીનગર, સંજીવ રાજપૂત: ભાટ ખાતે આવેલ એપોલો હોસ્પિટલ ખાતે ડૉ વિનીત મિશ્રાની એડવાન્સ ગાયનેકોલોજિસ્ટ અને ફર્ટિલિટી વિભાગના ડીરેકટર તરીકે નિયુક્તિ કરવામાં આવતા જ્યાં તેમનું ભવ્ય સ્વાગત કરવામાં આવ્યું હતું.
ડૉ મિશ્રા ઇન્સ્ટિટ્યૂટ ઓફ કિડની ડીસીઝ એન્ડ રિસર્ચ સેન્ટરના ડીરેકટર તરીકે સેવા આપી ચુક્યા છે અને 34 વર્ષથી વધુનો બહોળો અનુભવ અને કુશળતા તેઓ ધરાવે છે. તેમના અનુભવ અને કુશળતાનો લાભ હવે એપોલો હોસ્પિટલને મળશે. તેઓ હાઈ રિસ્ક પ્રેગનેન્સી, એડવાન્સ ગાયનોકલોજી, એન્ડોસ્કોપીક તેમજ લેપ્રોસ્કોપીક સર્જરી, યુરો ગાયનોકોલોજી, આઇવીએફ અને અન્ય ક્ષેત્રોમાં નિપુણતા ધરાવે છે.
એપોલો હોસ્પિટલ ખાતે તેમની નિયુક્તિ અંગે પૂછતાં ડૉ મિશ્રાએ જણાવ્યું હતું કે હું માત્ર અમદાવાદની જ નહીં પરંતુ રાજ્યની શ્રેષ્ઠ એપોલો હોસ્પિટલનો ભાગ બની ખુશ છું અને અમે દર્દીઓને વૈશ્વિક કક્ષાની આરોગ્ય સેવા પુરી પાડવા માટે કટિબદ્ધ છીએ.
