કપિલ પટેલ દ્વારા અરવલ્લી
અરવલ્લી જીલ્લા સહિત ભિલોડા તાલુકામાં તસ્કર ટોળકી સક્રિય બનતા પ્રજાજનોમાં ભારે ફફડાટ ફેલાયો છે.પોલીસ દ્વારા પેટ્રોલિંગ વધારવાની તાતી જરૂરિયાત છે.
ભિલોડા તાલુકા મથક ખાતે દિન – પ્રતિ – દિન બાઈક ચોરીના બનાવ વધી રહ્યા છે.ભિલોડામાં જીવન જયોત સોસાયટી,આઈ.ટી.આઈ પાછળ રહેતા વિમલ ખાતુભાઈ કટારાના ધર આગળ કોટની બહાર ખુલ્લી જગ્યામાં પાર્ક કરેલ ₹ 85,000 નું બજાજ પલ્સર 200 સી.સી , ગ્રે – બ્લેક કલરની
બાઈક નંબર. જી.જે.31.એલ.9475 નું અજાણ્યા તસ્કરોએ લોક તોડી બાઈકની ઉઠાંતરી કરીને પલાયન થઈ ગયા હતા.બાઈક ધારક વિમલ ખાતુભાઈ કટારાએ બાઈક ચોરી સંદર્ભે પોલીસ સ્ટેશનમાં ફરિયાદ નોંધાવતા પોલીસે અજાણ્યા તસ્કર વિરૂદ્ધ ગુનો નોંધી વધુ તપાસ હાથ ધરી છે.
