અમદાવાદ, સંજીવ રાજપૂત: ભારતીય સેના એકતા જાળવવા, વિવિધતાની ઉજવણી કરવા અને સંગઠનોમાં એકતા વધારવા માટે સમર્પિત છે. તેમનું માનવું છે કે, આપણા સમાજમાં મતભેદોને સ્વીકારીને, આપણે એક મજબૂત તેમજ વધુ સુમેળભર્યા ભવિષ્યનું નિર્માણ કરી શકીએ છીએ.
અમદાવાદ ખાતે ભારતીય સેના દ્વારા 31 ઓક્ટોબર 2023ના રોજ સફળતાપૂર્વક “રન ફોર યુનિટી” કાર્યક્રમનું આયોજન કરવામાં આવ્યું હતું. આ કાર્યક્રમે માત્ર એકતાની જ ઉજવણી ન હતી કરી પરંતુ આપણા દેશ માટે સુમેળભર્યા ભવિષ્યનું નિર્માણ કરવા માટે વિવિધતાની તાકાત પણ દર્શાવી હતી.
“રન ફોર યુનિટી” કાર્યક્રમમાં ઉત્કૃષ્ટ સહભાગીતા અને ઘણી યાદગાર પળો જોવા મળી હતી. શાળાના બાળકો સહિત તમામ વય અને પૃષ્ઠભૂમિમાંથી આવતા 1100થી વધુ ઉત્સાહી વ્યક્તિઓ તેમાં એકસાથે આવ્યા હોવાથી તમામ અપેક્ષાઓ કરતાં વધુ સારું સફળ આયોજન રહ્યું હતું. આ કાર્યક્રમ મોટા સામાજિક ઉદ્દેશ્ય માટે સ્થાનિક સમર્થન મેળવવામાં સફળ રહ્યો હતો, ભારતીય સેનાની સકારાત્મક પ્રભાવ પાડવાની પ્રતિબદ્ધતા તેમાં રેખાંકિત થઇ હતી.
બધા સહભાગીઓએ આપણા વૈવિધ્યસભર સમાજમાં સમજણ અને સંવાદિતાને પ્રોત્સાહન આપવા માટે તેમની પ્રતિબદ્ધતાને પ્રોત્સાહન આપવા માટે એકતાની પ્રતિજ્ઞા લીધી હતી.
ભારતીય સેનાએ આ પ્રસંગને શક્ય બનાવનારા તમામ સ્વયંસેવકો અને અધિકારીઓની ઊંડાણપૂર્વક પ્રશંસા વ્યક્ત કરી હતી. આ ઉદ્દેશ્ય પ્રત્યેનું તેમનું સમર્પણ અને પ્રતિબદ્ધતા આ કાર્યક્રમની સફળતામાં મહત્વપૂર્ણ રહ્યા હતા.
