રોંગ સાઇડ થી આવી રહેલ ગાડી એ એક્ટિવા ચાલક પિતા – પુત્ર ને લીધા અડફેટે…..
સામ સામે ટક્કર થતા પિતા – પૂત્ર ઇજાગ્રસ્ત , પુત્ર ની હાલત ગંભીર…..
બાળક ની સ્થિતિ ગંભીર બનતા હોસ્પિટલ ખાતે ભરતી કરાયો….
અંબાજી – આબુરોડ માર્ગ એ અકસ્માત માર્ગ તરીકે પ્રખ્યાત બન્યો છે, જ્યાં અવાર નવાર અકસ્માતો સર્જાતા રહે છે.ત્યારે આજ રોજ ફરી એક વાર અંબાજી આર.ટી.ઓ.ચેક પોસ્ટ નજીક આબુરોડ થી અંબાજી તરફ આવી રહેલા એક્ટિવા ચાલક પિતા – પુત્ર ને અકસ્માત નડ્યો હતો.
અંબાજી આર.ટી. ઓ ચેક પોસ્ટ થી પહેલા બનેલા મયુર પ્રવેશદ્વાર માં પ્રવેશતા પહેલા શીતળા માતાજી મંદિર અને મયુર પ્રવેશ દ્વાર ની વચ્ચે થી નીકળતા બાયપાસ રોડ ની હાલ કામગીરી ચાલુ છે જ્યાં પર્વત વિસ્તાર ને ખોદી ને માર્ગ નીકળવાનો છે ત્યાં ચાલતી સાઈટ પર કામગીરી કરતા કોન્ટ્રાકટર ના વાહને અંબાજી – આબુરોડ ચેક પોસ્ટ નજીક ઢાળ વિસ્તાર માં રોંગ સાઈડ ગાડી ચલાવી સામે થી આવતા એક્ટિવા ચાલક પિતા – પુત્ર ને ટક્કર મારી દેતાં પિતા – પુત્ર રોડ પર જ પટકાયા હતા જેને લીધે બન્ને વ્યક્તિઓ ઇજાગ્રસ્ત બન્યા હતા જેમાં એક્ટિવા ચાલક વ્યક્તિ ની પાછળ બેસેલા પુત્ર ની હાલત ગંભીર બનતા તાત્કાલિક ખાનગી વાહન દ્વારા હોસ્પિટલ ખાતે ભરતી કરાયા હતા.
બાય પાસ રોડ ની કામગીરી કરતા કોન્ટ્રાકટર ના વાહનચાલકે ગફલતભરી રીતે રોંગ સાઇડે ગાડી ચલાવી ને મારેલ ટક્કર ને લીધે બન્ને વ્યક્તિઓ ઇજગ્રસ્ત બન્યા છે ત્યારે કોન્ટ્રાકટર સામે શું પગલા લેવાશે તે જોવું રહ્યું …..
રિપોર્ટર… અમિત પટેલ અંબાજી
