અમદાવાદ જિલ્લાના મીઠાપુર ગામના વતની શ્રી ગંભીરસિંહ બચુભાઈ ચૌહાણ હાલમાં હૈદરાબાદ ખાતે પૂર્ણ થયેલ પાંચમી નેશનલ માસ્ટર . એથ્લેટિક્સ ગેમ્સ માં સોટપુટ, ડિસ્કસ થ્રો, હેમર થ્રો એમ ત્રણેય ઈવેન્ટ માં ત્રણ ગોલ્ડ મેડલ અને ૪૦૦*૪ રીલે માં સિલ્વર મેડલ એમ કુલ ચાર મેડલ મેળવી મીઠાપુર તેમજ સમગ્ર રાજ્ય ને ગૌરવ અપાવ્યું છે.
અત્રે ઉલ્લેખનીય છે કે ગંભીરસિંહ 100 થી વધુ રમત ગમત સન્માન મેળવી ચૂક્યા છે. તેઓશ્રી ની આ જ્વલંત સિદ્ધિ બદલ સમગ્ર રાજપૂત સમાજ, મિત્રો, વ્યાયામ શિક્ષકો તેમજ સમગ્ર સગા સંબંધીઓ અને મીઠાપુર ગ્રામ વાસી ઓ ગૌરવની લાગણી અનુભવે છે અને ભવિષ્યમાં થનાર ઇન્ટરનેશનલ એથ્લેટિક્સ સ્પર્ધા માટે સારી સફળતા મેળવે એવી શુભેચ્છા પાઠવે છે. નિવૃતિ પછી પણ 11 ગોલ્ડ મેડલ અને 3 સિલ્વર મેડલ મેળવીને ગંભીરસિંહ ચૌહાણ યુવાનો તેમજ સિનિયર સિટીઝન માટે પ્રેરણા ના સ્ત્રોત બન્યા છે.
