શક્તિપીઠ અંબાજી આસપાસ ના માર્ગો પર હાલમાં કેટલાક વાહનો માતેલા સાંઢની જેમ ચાલી રહ્યા છે. કેટલાક વાહનો તો ભારે ઓવરસ્પીડ મા ચાલી રહ્યા છે. આજે બપોર બાદ અંબાજી થી 4 કિલોમીટર દૂર આબુરોડ માર્ગ પર શીતળા માતાજીના ઘાટી પાસે એક ભારે માલવાહક ટ્રક અંબાજી થી પાવડર ભરીને આબુરોડ તરફ જઈ રહ્યો હતો ત્યારે ડ્રાઈવરે કાબૂ ગુમાવતા રસ્તા પર ચાલી રહેલા 15 થી વધુ પશુઓને અડફેટે લીધા હતાં અને એક યુવકને અડફેટે લેતા તેનું ઘટના સ્થળે મોત થયું હતું.
અંબાજી 108 , અંબાજી પોલીસ, ફાયર ટીમ સહિતના સેવાભાવી લોકો ઘટના સ્થળે દોડી આવી કામગીરી હાથ ધરી હતી. ટ્રક મા બેસેલા 2 લોકોના આબાદ બચાવ થયો હતો. યુવકના મોત બાદ પરિવાર પર આભ તુટી પડ્યું હતું. ટ્રક ચાલકે કાબૂ ગુમાવતા ટ્રક 30 ફૂટ ઊંડી ખાબકી હતી. ટ્રકે ઝાડ તોડયા હતા. માર્ગો પર ભારે ટ્રાફિક જામના દ્રશ્યો જોવા મળ્યા હતા અને પશુઓના મૃતદેહો માર્ગો પર જોવા મળ્યા હતા.
અંબાજી પ્રહલાદ પૂજારી
