અમદાવાદ, સંજીવ રાજપૂત, એબીએનએસ: શહેરમાં વધતી તીવ્ર ગરમીને ધ્યાનમાં રાખીને અમદાવાદ મ્યુનિસિપલ કોર્પોરેશન (AMC)ના સોલિડ વેસ્ટ મેનેજમેન્ટ વિભાગમાં કામગીરી બજાવતા કામદારોના આરોગ્ય અને સુરક્ષા માટે આગોતરા અને સક્રિય પગલાં સતત લેવાઈ રહ્યા છે. જેના ભાગરૂપે શહેરની સ્વચ્છતા જાળવતા સફાઈ કર્મચારીઓ માટે ઉનાળામાં AMCએ વિશેષ વ્યવસ્થા સુનિશ્ચિત કરવામાં આવી છે.
AMCએ સોલિડ વેસ્ટ વિભાગના તમામ સફાઈ કામદારોને આ પહેલના ભાગરૂપે સફેદ ટોપીઓનું વિતરણ કરવામાં આવ્યું છે. આ પહેલનો હેતુ સફાઈ કામદારોને તેમને તડકાથી રાહત મળે. આ સફાઈ કામદારો માટે આ કામગીરી આખો ઉનાળો સતત ચાલુ રાખવામાં આવશે. આ ઉપરાંત, તમામ ઝોનલ અને સબ-ઝોનલ કચેરીઓ ખાતે ઠંડા પીવાના પાણીની સુવિધા પણ ઉપલબ્ધ કરવામાં આવી છે.
આ ઉપરાંત ગરમીથી થતા આરોગ્ય સંબંધિત જોખમોને ધ્યાનમાં રાખીને, કર્મચારીઓને વધારાની સુરક્ષા મળે તે માટે ઓ.આર.એસ. (ORS) પણ ઉપલબ્ધ કરાવવામાં આવે છે. AMC દ્વારા લેવામાં આવેલા આ પગલાં કર્મચારીઓના આરોગ્ય પ્રત્યેની પ્રતિબદ્ધતા દર્શાવે છે અને ગરમીના પ્રભાવને ઓછો કરવા માટે મહત્વપૂર્ણ પગલું છે.
