શક્તિ ભક્તિ અને આસ્થાનો ત્રિવેણી સંગમ એટલે જગ વિખ્યાત યાત્રાધામ અંબાજી ગુજરાત રાજસ્થાન ની સરહદ પર આવેલુ છે. તાજેતરમાં શરદ પૂર્ણિમાનો મહોત્સવ સુખરૂપ સંપન્ન થયો છે ક્યારે ગુરુવારે સવારે અંબાજી થી ખેડબ્રહ્મા માર્ગ પર ચીખલા ગામ પાસે ટ્રક ચાલકે અકસ્માત સર્જતા 4 ગાયોના મોત થયા હતા 2 ગાય ખુબજ ગંભીર અને 1 ગાય ઘાયલ થઈ હતી.
સૂત્રોથી મળતી માહિતી પ્રમાણે ગુરુવારે સવારે અંદાજે 9:30 કલાકે અંબાજી થી ખેડબ્રહ્મા તરફ ટ્રક જઈ રહ્યો હતો ચીખલા ગામ થી આગળ હનુમાનજી મંદિર પાસે ટ્રક ચાલકે કાબુ ગુમાવતા પર રોડ જઈ રહેલી 7 ગાયોને અડફેટમાં લીધી હતી જેમાં ચાર ગાયોનું ઘટના સ્થળે મોત થયું હતું અને બે ગાય ખૂબ જ ગંભીર હાલતમાં છે અને એક ગાય ઘાયલ થઈ હતી. ઘટનાની જાણકારી મળતા શ્રી ગૌરી ગૌશાળા સેવા કેન્દ્ર કુંભારિયા અંબાજી ના સભ્યો તાત્કાલીક ઘટના સ્થળે પહોંચી ગાય ની સારવાર હાથ ધરી હતી અને ટ્રક ચાલકને હોસ્પીટલ ખસેડવામા આવ્યા હતા. ટ્રક હાલ રસ્તાના સાઈડમાં પડેલ છે. ચાર ગાય પૈકી 1 ગાયના વાછરડા નું મૃત્યું થયું હતું અને માર્ગ પર લોહી જૉવા મળ્યું હતું.
અંબાજી પ્રહલાદ પૂજારી
