ગુજરાત અને રાજસ્થાન ના સરહદ પર આવેલો જિલ્લો એટલે સિરોહી જિલ્લો, સિરોહી જિલ્લામાં માવલ બોર્ડર, જાંબુડી બોર્ડર અને છાપરી રાજસ્થાન બોર્ડર આવે છે, હાલમાં કોરોના કેસ ઓછા થતાં અવર જવર વધવા લાગી છે, ત્યારે કેટલાક લોકો દારૂ અને કેટલાક લોકો ખોટી પ્રવુતિઓ માટે આવી બોર્ડરનો ઉપયોગ કરી રહ્યા છે ત્યારે આજે રાજસ્થાન પોલીસે માવલ ચોકી પરથી મોટી સંખ્યામાં તલવારો ઝડપતા હાહાકાર મચી જવા પામ્યો હતો.
પ્રાપ્ત માહિતી અનુસાર રાજસ્થાનના જોધપુર થી ગુજરાતના કલોલ માં આ તલવારો મોકલવામાં આવી રહી હતી ત્યારે રાજસ્થાન ગુજરાત બોર્ડર પણ આબુરોડ રિકો પોલીસના જવાનો દ્વારા ખાનગી બસમાં ચેક કરવામાં આવતા પોલીસના હોશ ઉડી ગયા હતા અને આ બસમાંથી 255 જેટલી તલવાર મળી આવી હતી .આ મામલે પોલીસ દ્વારા વધુ તપાસ હાથ ધરવામાં આવી છે.102 કલમ હેઠળ તલવાર જપ્ત કરી આગળની તપાસ રાજસ્થાન પોલીસ ચલાવી રહી છે.
પ્રહલાદ પૂજારી
