પોલીસ મહાનિરીક્ષક શ્રી ગૌતમ પરમાર,ભાવનગર રેન્જ તથા પોલીસ અધિક્ષક શ્રી ડો.હર્ષદ પટેલ દ્વારા ભાવનગર,પેરોલ ફર્લો સ્કવોડનાં પોલીસ સબ ઇન્સ.શ્રી આર.એ.વાઢેર તથા પેરોલ ફર્લો સ્કવોડનાં પોલીસ કર્મચારીઓને નાસતાં-ફરતાં આરોપીઓ તથા પાકા કામનાં કેદીઓ,પેરોલ ફર્લો જંમ્પ તથા વચગાળાની રજા ઉપરથી હાજર નહિ થયેલ વધુમાં વધુ આરોપીઓ/કેદીઓ પકડી પાડવા માટે સખત સુચના આપવામાં આવેલ.
જે અનુસંધાને ભાવનગર,પેરોલ ફર્લો સ્કવોડનાં માણસો ભાવનગર શહેર વિસ્તારમાં નાસતાં-ફરતાં આરોપીને પકડવાની ડ્રાઇવ સબબ પેટ્રોલીંગમાં હતા.તે દરમ્યાન બાતમી મળેલ કે,વડોદરા શહેર,બાપોદ પોલીસ સ્ટેશનમાં દાખલ થયેલ બળાત્કાર તથા પોસ્કોના ગુન્હામાં સજા પામેલ અને વડોદરા મધ્યસ્થ જેલના પાકા કામના કેદી કનુભાઇ ઉર્ફે કાનો ઓધાભાઇ ખસીયા રહે.ઠળીયા તા.તળાજા,જી.ભાવનગરવાળો વચગાળાના જામીન રજા ઉપરથી ફરાર થઇ હાલ સુરત શહેર ખાતે રહે છે.જે ચોક્કસ બાતમી આધારે પેરોલ ફર્લો સ્કવોડની ટીમ સુરત શહેર ખાતે જઇ તપાસ કરતાં નીચે મુજબના પાકા કામના કેદી કામરેજ ચોકડી,સુરત શહેર ખાતે હાજર મળી આવતાં તેને ઝડપી લઇ વડોદરા મધ્યસ્થ જેલ ખાતે સોંપી આપેલ છે.
પાકા કામના કેદી:-કનુભાઇ ઉર્ફે કાનો ઓધાભાઇ ખસીયા ઉ.વ.૩૨ ધંધો-મજુરી રહે.હાલ-સિધ્ધી વિનાયક ફલેટ, કડોદરા, જી.સુરત મુળ-બારપરા પ્રાથમિક શાળા સામેની ગલી, ઠળીયા, તા.તળાજા, જી.ભાવનગર
આ કામગીરી કરનાર પોલીસ સ્ટાફ પોલીસ સબ ઇન્સ.શ્રી આર.એ.વાઢેર,તથા પોલીસ કર્મચારી ભહિપાલસિંહ ચુડાસમા,સત્યજીતસિંહ ચુડાસમા,બળદેવભાઇ મકવાણા,મજીદભાઇ શમા,હસમુખભાઇ પરમાર,મહેશભાઇ કુવાડિયા વગેરે જોડાયાં હતાં.
