બંને સરપંચ ઉમેદવારોએ જીતના દાવા કર્યા,25 જૂને પરિણામ
ગુજરાતની સૌથી મોટી ગ્રામ પંચાયત ગણાતી અંબાજીમાં રવિવારે મતદાન યોજાયું.હવામાન વિભાગે બનાસકાંઠા જિલ્લામાં ભારે વરસાદની આગાહી કરી હોવા છતાં મતદારોએ ઉત્સાહપૂર્વક મતદાનમાં ભાગ લીધો.દાંતા તાલુકામાં 9 ઈંચ જેટલો વરસાદ વરસ્યો તેમ છતાંય મતદારો મત આપવા આવ્યા હતા. અંબાજી ખાતે મતદાન શાંતિપૂર્ણ રીતે યોજાયું હતું.
દાંતા તાલુકામાં નવ ઇંચથી વધુ વરસાદ નોંધાયો છે. આ વરસાદી વાતાવરણ વચ્ચે પણ અંબાજીના વિવિધ મતદાન કેન્દ્રો પર મતદારોની સારી હાજરી જોવા મળી હતી.જૂની કોલેજ મતદાન કેન્દ્ર બહાર વરસાદી પાણી ભરાયા હોવા છતાં મતદારોએ લોકશાહી પર્વ માટે મતદાન કર્યું.
:_ બંને ઉમેદવારોએ વોટ આપ્યો, જીતના દાવા કર્યા :_
સરપંચ પદના મહિલા ઉમેદવાર ગીતાબેન અગ્રવાલે પોતાના પરિવાર સાથે મતદાન કર્યું અને વિજયનો વિશ્વાસ વ્યક્ત કરતા વિક્ટરી સાઇન બતાવી.
બીજી તરફ કલ્પનાબેન દવે એ પણ પોતાના પરિવાર સાથે મત આપીને મતદારોનો આભાર માન્યો. બંને ઉમેદવારોએ જીતના દાવા કર્યા. 25જુનના રોજ પરીણામ જાહેર થશે.
રિપોર્ટર પ્રહલાદ પૂજારી,અંબાજી
