કપિલ પટેલ દ્વારા અરવલ્લી
અરવલ્લી જીલ્લામાં કાળઝાળ ગરમીમાં આગ લાગવાના બનાવો વધી રહ્યા છે. મોડાસા તાલુકાના આનંદપુરાકંપામાં ખેતરમાં મુકેલી ડ્રિપની પાઇપોના જથ્થામાં
આગ લાગ લાગ્યાના અહેવાલ પ્રાપ્ત થયા છે.
વધુ પ્રાપ્ત માહિતી મુજબ મોડાસા તાલુકાના આનંદપુરાકંપામાં રહેતા ચંદુભાઈ રામજીભાઈ પટેલના ખેતરમાં મુકેલી 30 વિઘાની ડ્રિપની પાઇપોના જથ્થામાં આગ લાગી હતી. આગ લાગ્યાની જાણ થતાં ખેતરમાં લોકોનાં ટોળાં એકત્ર થઇ ગયા હતા. મોડાસા નગરપાલિકાના ફાયર વિભાગમાં જાણ કરવામાં આવતા ફાયર ફાઇટર દ્વારા આગને કાબુમાં લેવામાં આવી હતી. આગ કાબુમાં આવે તે પહેલાં ડ્રિપની પાઇપોનો જથ્થો બળીને ખાખ થઈ ગયો હતો. હજી પણ આગ લાગવાનું કારણ અકબંધ છે. સદનસીબે કોઈ જાનહાની થઈ ન હતી.
