તા.16 એપ્રિલ શનિવારના રોજ વલભીપુર શ્રી બ્રાંચ પ્રાથમિક શાળામાં ધોરણ 8 માં અભ્યાસ કરતા વિદ્યાર્થીઓનો વિદાય સમારંભ યોજાઈ ગયો.
જેમાં ધો.8 વિદ્યાર્થીઓ પૃથ્વી ચાવડા અને અશ્વિન ચાવડાએ વિદાય ગીત રજૂ કરેલ.ધોરણ 6 ના વિદ્યાર્થી આદિત્યવિરસિંહ પરમારે ધો.8ના બાળકો માટે પોતાના પ્રતિભાવ રજૂ કરેલ.ધો.7 માંથી ભલાણી મૈત્ર એ પોતાનો પ્રતિભાવ આપેલ.ધો.8 ના વિદ્યાર્થીઓ આર્ય મકવાણા અને અરુણ પાલે પોતાની આ શાળામાં ધો.1 થી 8 ની શિક્ષણયાત્રા વિશે વાત કહેલ અને સૌ ગુરુજનોને વંદન કરેલ. શાળાના શિક્ષિકા બહેન શ્રી લતાબેન પટેલે પ્રસંગોચિત વિદાય ગીત ગાયેલ.આ પ્રસંગે શાળાના શિક્ષકો શ્રી અશ્વિનભાઈ ગઢવી, ઊર્મિલાબેન ડાભી, મહાવિરસિંહ ઘેલડા એ વિદાય લેતા ધો.8ના વિદ્યાર્થીઓને ભવિષ્યની શુભકામનાઓ અને આગળ વિકાસ કરી શાળાનું નામ રોશન કરો એવા શુભઆશિષ પોતાના વક્તવ્યમાં આપેલ.
ધો.8ના વિદ્યાર્થીઓ એ પોતાના તરફથી શાળાને સુંદર મોમેન્ટો ભેટમાં આપેલ.શાળા તરફથી દરેક બાળકોનું મોઢું મીઠું કરાવવામાં આવેલ.
વિદાય સમારંભનું તમામ સફળ સંચાલન ધો.6 ના વિદ્યાર્થી પરમાર આદિત્યવિરસિંહ પરાક્રમસિંહે કરેલ.
એહવાલ ધમેન્દ્રસિંહ સોલંકી વલભીપુર
