વિશ્વેશ પટેલે ૯૯.૯૫ પર્સનટાઇલ રેન્ક સાથે એ – ૧ ગ્રેડ મેળવ્યો હતો
કપિલ પટેલ દ્વારા અરવલ્લી
રાજ્ય માં ધોરણ ૧૦ નું પરિણામ જાહેર કરવામાં આવ્યું હતું જેમાં અરવલ્લી જિલ્લાનું ૬૮.૧૧ ટકા પરિણામ આવ્યું હતું જેમાં
મોડાસા કેન્દ્રનું ૬૬.૨૪ ટકા પરિણામ આવ્યું હતું.જેમાં વિશ્વેશ ઘનશ્યામભાઈ પટેલ(આકરૂંદ) એ ૯૯.૯૫ પી.આર સાથે કે.એન.શાહ હાઈસ્કૂલ મોડાસામાં પ્રથમ નંબર મેળવ્યો હતો.સાથે વિશ્વેશ પટેલે ૯૯.૯૫ પર્સનટાઇલ રેન્ક સાથે એ – ૧ ગ્રેડ મેળવ્યો હતો અને ૯૬.૩૩ ટકા મેળવ્યા હતા.જિલ્લામાં ધોરણ ૧૦ માં કુલ ૧૫૭૩૦ પૈકી ૧૫૪૨૯ વિદ્યાર્થીઓએ પરીક્ષા આપી હતી. ઓનલાઇન પરિણામ જાહેર કરવામાં આવ્યું છે.ત્યારબાદ શાળામાંથી માર્કશીટ આપવામાં આવશે.વિશ્વેશ ઘનશ્યામભાઈ પટેલ સહિત વિદ્યાર્થીઓને મોડાસા કેળવણી મંડળ ના પ્રમુખ બિપીનભાઈ શાહ આચાર્ય મનીષભાઈ જોષી સહિત શિક્ષકો એ અભિનંદન પાઠવ્યા હતા.
