કપિલ પટેલ દ્વારા અરવલ્લી
આજ રોજ તારીખ ૨૬ જાન્યુઆરી ૨૦૨૩ ને ગુરુવારના રોજ મોડાસા કેળવણી મંડળ સંચાલિત શ્રી કે.એન.શાહ મોડાસા હાઇસ્કૂલ, શ્રી સી.જી.બુટાલા સર્વોદય હાઇસ્કૂલ, કલરવ સ્કુલ અને બી-કનાઈ સ્કૂલ મોડાસા દ્વારા ધ્વજવંદન કાર્યક્રમની દબદબા ભેર ઉજવણી કરવામાં આવી.
આ કાર્યક્રમમાં મોડાસા કેળવણી મંડળના પ્રમુખશ્રી બિપીનકુમાર ર. શાહ ના વરદ હસ્તે રાષ્ટ્રધ્વજ લહેરાવવામાં આવ્યો, આ પ્રસંગે મોડાસા કેળવણી મંડળના સૌ પદાધિકારીઓ, માંડલ સંચાલિત શાળાઓના આચાર્યશ્રીઓ, શિક્ષક ભાઈ-બહેનો, વહીવટી મિત્રો, નગરજનો અને મોટી સંખ્યામાં વિદ્યાર્થી ભાઈ-બહેનો ઉપસ્થિત રહ્યા હતા. આ પ્રસંગે વિવિધ ક્ષેત્રોમાં વિશિષ્ઠ સિધ્ધિઓ પ્રાપ્ત કરવા બદલ વિદ્યાર્થી ભાઈ-બહેનો અને શિક્ષક મિત્રોને પ્રમુખશ્રી દ્વારા ટ્રોફી એનાયત કરી સન્માનવામાં આવ્યા હતા.
ત્યારબાદ વિદ્યાર્થીઓ વિશિષ્ઠ પરેડ રજુ કરવામાં આવી હતી. કેળવણી મંડળના આધ્યસ્થાપક મથુરદાસ લાલજીભાઈ ગાંધીની પ્રતિમાને સુતરની આંટી પહેરાવવામાં આવી હતી. આ ધ્વજવંદન સમારોહ પ્રસંગે પ્રમુખશ્રી દ્વારા વર્ષ દરમ્યાનની વિશિષ્ઠ સિદ્ધિઓની રજૂઆત કરવામાં આવી. અને બાળકોમાં દેશ પ્રેમ ના બીજ રોપાય તેવું મનનીય વક્તવ્ય આપવામાં આવ્યું હતો. ધ્વજવંદનનો આ સમગ્ર કાર્યક્રમ શાળાની યુ-ટ્યુબ ચેનલ પર લાઈવ કરવામાં આવ્યો હતો.
