એબીએનએસ, ગોધરા:: જિલ્લા ક્લેક્ટર આશિષકુમારની અધ્યક્ષતામાં જિલ્લામાં કરુણા એમ્બ્યુલન્સ – ૧૯૬૨ અને ૧૦ ગામ દીઠ ફરતા પશુ દવાખાના દ્વારા કરવામાં આવેલી કામગીરી અને કો-કોર્ડીનેશનની ત્રિમાસિક સમીક્ષા બેઠક કલેક્ટર કચેરી, ગોધરા ખાતે યોજાઇ હતી.
આ બેઠકમાં જિલ્લા ક્લેક્ટર આશિષકુમાર દ્વારા કરુણા એમ્બ્યુલન્સ ૧૯૬૨ અને ૧૦ ગામ દીઠ ફરતા પશુ દવાખાના દ્વારા અટેન્ડ કરવામાં આવેલ કેસો તથા કરૂણા એમબ્યુલન્સ ૧૯૬૨ દ્વારા કરવામાં આવેલ અબોલ જીવની સારવાર સબંધિત કામગીરીની સમીક્ષા કરવામાં આવી હતી તેમજ જિલ્લાના નવીન ગામોનો સેવા અંતર્ગત સમાવેશ કરવા અંગે સૂચન કરવામાં આવ્યુ હતું.
