કચ્છ: બિપરજોય વાવાઝોડાની સંભવિત અસરને પગલે માંડવી સ્થિત ભાજપ કાર્યાલય અને શ્રી ગોકુલ વિદ્યામંદિર ખાતે અસરગ્રસ્તો તથા જરૂરિયાતમંદોની મદદ માટે ફૂડ પેકેટ બનાવવાની કામગીરી પૂરજોશમાં ચાલુ છે, ત્યારે રાજ્યમંત્રી પ્રફુલભાઈ પાનશેરીયા, સાંસદ વિનોદભાઈ ચાવડા તથા ધારાસભ્ય અનિરુદ્ધ દવે સાથે સ્થળાંતરિત થયેલા પરિવારોને ફૂડ પેકેટનું વિતરણ કરવામાં આવ્યું હતું અને માનવતાના આ ઉત્તમ કાર્યને બિરદાવ્યુ હતું. આશ્રિતોને કુદરતી આપદાના સમયમાં તમામ પ્રકારની મદદ અને સહયોગ કરવાની બાંહેધરી મંત્રીશ્રી દ્વારા આપવામાં આવી હતી.
કચ્છ-ભુજના દરિયાકાંઠેના નાગરિકો ચિંતામુક્ત રહે તેવી વિનંતી રાજ્ય શિક્ષણમંત્રી દ્વારા કરવામાં આવી હતી કેમકે સરકાર સતત તેમની સુરક્ષા અને સલામતી માટે તેમની સાથે છે તેવી ખાતરી તેઓએ આપી હતી.
