”અનુશાસનથી જ સમસ્યાનું સમાધાન, અનુશાસનથી જ જ્ઞાનનું અથોપાજન”
ઉપરોક્ત ઉકિતને શાળાના વિદ્યાર્થીઓએ સાબિત કરીને બતાવી છે.
આર.એમ.પી.એસ. શાળાના મેનેજમેન્ટ દ્વારા આ કાર્યક્રમનું અદભુત આયોજન વિદ્યાર્થીઓ માટે કરવામાં આવ્યું હતું. તેમાં વિવિધ વિભાગના માળખાની સુંદર ગોઠવણી કરી ફ્લેગ માર્ચ દ્વારા સ્કૂલ કેપ્ટન, વાઈસ કેપ્ટન, સ્પોર્ટ કેપ્ટન તેમજ આર.એમ.પી.એસ.ના ૪ હાઉસના વિવિધ વિભાગોના કેપ્ટન, વાઇસ કેપ્ટન સાથે સિનિયર કેપ્ટન તરીકે શાળાના શિક્ષકોનું ફૂલ અર્પણ કરી ભવ્ય સ્વાગત કરવામાં આવ્યું હતું.
વિવિધ વિભાગના આયોજન દ્વારા વિદ્યાર્થીઓમાં અતૂટ આત્મવિશ્વાસ નિહાળવા મળ્યો હતો. ચૂંટાયેલા વિદ્યાર્થીઓએ પ્રતિજ્ઞા દ્વારા ભવિષ્યના આયોજન માટે રચનાત્મક રજૂઆત કરી હતી. શાળાના આચાર્યશ્રી મેલરોય મેકડોનાલ્ડ દ્વારા વિદ્યાર્થીઓને પ્રોત્સાહનરૂપી ભાથું પીરસવામાં આવ્યું હતું.
ભાવેશ મુલાણી, ભરૂચ.
