અંકલેશ્વર:- આર.એમ.પી.એસ. શાળામાં એન.સી.સી. અવેરનેસનું અર્થસભર આયોજન કરવામાં આવ્યું હતું. શાળાના ટ્રસ્ટી શ્રી મહાવીર જૈનના માર્ગદર્શન હેઠળ આ કાર્યક્રમનું સુંદર આયોજન કરવામાં આવ્યું હતું. જેમાં ચીફ ગેસ્ટ તરીકે વડોદરાથી એન.સી.સી.ના કમાન્ડિંગ ઓફિસર કમાન્ડર શ્રી સ્વપ્નિલ શર્મા તથા એમની ટીમ, લેફ્ટનર કર્નલ શ્રી ભાવના ભદોરી ઉપસ્થિત રહ્યા હતા.
માર્ચ પાસ્ટ દ્વારા તેઓશ્રીનું સ્વાગત કરવામાં આવ્યું હતું. એન.સી.સી. કમાન્ડર ઓફિસર સ્વપ્નિલ શર્માએ તથા લેફ્ટનર કર્નલ શ્રી ભાવના બદોરીએ એન.સી.સી. અવેરનેસ માટે વિસ્તૃત માહિતી આપી હતી. શાળાના ટ્રસ્ટી શ્રી સચિન જૈન, શ્રી મહાવીર, જૈન, શાળાના આચાર્યશ્રી મેલરોય મેકડોનાલ્ડ,હેડ મિસ્ટ્રેટ શ્રી અર્ચના નેગી પટેલ, ઓપરેશન હેડ શ્રી દર્શન જૈન, તેમજ વિદ્યાર્થીઓ સાથે વાલીઓ સહભાગી થયા હતાં. ઉપસ્થિત સર્વે શ્રોતાગણે એન.સી.સી. માટેની સંપૂર્ણ માહિતી વિડીયો નિદર્શન દ્વારા મેળવી હતી.
ઉ
પસ્થિત મહેમાન શ્રી એ તેમની ટીમ સાથે એન.સી.સી. રજીસ્ટ્રેશન માટે શાળાનું નિદર્શન કરી શાળાકીય પ્રવૃત્તિ તથા અન્ય પ્રવૃત્તિ વિશે વિશેષ જાણકારી મેળવી હતી. આર. એમ. પી. એસ. શાળાના ટ્રસ્ટી મંડળ આ માટે એન.સી.સી. લાવવા સંપૂર્ણ રીતે કટિબદ્ધ છે. પૂરેપૂરા પ્રયત્નો કરી રહી છે અને ભવિષ્યમાં વિદ્યાર્થીઓના સર્વાંગી વિકાસ માટે અનેરો ઓપ આપી રહી છે.
ભાવેશ મુલાણી, ભરૂચ.
