એબીએનએસ, વી.આર. ગોધરા (પંચમહાલ):: શ્રી ગોવિંદ ગુરુ યુનિવર્સિટી, વિંઝોલ, ગોધરા સંલગ્ન અનુસ્નાતક વિભાગ સમાજશાસ્ત્ર દ્વારા વારંવાર યોજવામાં આવતા વિષય અને વિદ્યાર્થીલક્ષી કાર્યક્રમો અંતર્ગત અનુસ્નાતક સમાજશાસ્ત્ર સેમેસ્ટર -૨ અને સેમેસ્ટર -૪ નાં વિદ્યાર્થીઓને ગુજરાતનાં સમાજશાસ્ત્રનાં પ્રથમ મહિલા સમાજશાસ્ત્રી એવા ડૉ. તારાબેન પટેલની જન્મજયંતીની ઉજવણી કરવામાં આવી, આ કાર્યક્રમમાં અનુસ્નાતક વિભાગ સમાજશાસ્ત્રનાં અધ્યક્ષ ડૉ.જગદીશ પટેલે વિધાર્થીઓને ડૉ.તારાબેન પટેલનાં જીવન પરિચય વિશે માહિતી આપવામાં આવી હતી.
અનુસ્નાતક સમાજશાસ્ત્ર વિભાગનાં પ્રાધ્યાપક પ્રહલાદ વણઝારા, ડૉ.દિપીકા પરમાર અને કરણ ભિલેચા દ્વારા વિદ્યાર્થીઓને ડૉ.તારાબેન પટેલનાં કાર્યો તેમજ લખાણો અને ગુજરાત સરકારની નીતિઓમાં ડૉ.તારાબેન પટેલનાં અભ્યાસોનો સંદર્ભ તરીકેના ઉપયોગ વગેરે વિશે પાવર પોઈન્ટ પ્રેઝન્ટેશન દ્વારા વિદ્યાર્થીઓને વિસ્તૃત માહિતી આપવામાં આવી ,
ગુજરાત યુનિવર્સિટીનાં પુર્વ પ્રોફેસર ડૉ ગૌરાંગ જાની દ્વારા મોકલવામાં આવેલ વિડિયો સંદેશ દ્વારા વિદ્યાર્થીઓને સચિત્ર માહિતી વિડિયો દ્વારા બતાવવામાં આવી હતી. ઉપરોક્ત કાર્યક્રમ માટે શ્રી ગોવિંદ ગુરુ યુનિવર્સિટીનાં કુલપતિ પ્રો. પ્રતાપસિંહ ચૌહાણ તેમજ યુનિવર્સિટીનાં કુલસચિવ ડૉ.અનિલ સોલંકીએ શુભેચ્છાઓ પાઠવી હતી.
