આણંદ, બુધવાર :: આણંદ જિલ્લાના યુવાનોમાં મતદાન અંગે જાગૃત્તિ વધે તે માટે જિલ્લા ચૂંટણી અધિકારીશ્રી અને જિલ્લા કલેકટરશ્રી પ્રવીણ ચૌધરીના માર્ગદર્શન હેઠળ નાયબ જિલ્લા ચૂંટણી અધિકારીશ્રી અનિતા લાછુન તથા સ્વીપના નોડલ અધિકારી અને આણંદ જિલ્લા પ્રાથમિક શિક્ષણાધિકારીશ્રી અર્ચના પ્રજાપતિ દ્વારા યુવાનોમાં મતદાર જાગૃતિ અર્થે વિવિધ સ્પર્ધાઓનું આયોજન કરવામાં આવી રહ્યું છે.
આ કાર્યક્રમના ભાગરૂપે તા. ૧૧/૧૨/૨૦૨૩ થી તા. ૨૦/૧૨/૨૦૨૩ દરમિયાન જિલ્લાની માધ્યમિક અને ઉચ્ચતર માધ્યમિક શાળાઓ અને કોલેજોના શિક્ષકો અને વિદ્યાર્થીઓએ મતદાર જાગૃતિ અંગેના વિડીયો અને ગીત દ્વારા સંદેશ, ઈ પોસ્ટર જેવી વિવિધ સ્પર્ધાના માધ્યમથી યુવાનોમાં મતદાન અંગે જાગૃતતા ફેલાવવામાં સહભાગી બન્યા હતા.
રિપોર્ટ ભૂમિકા પંડ્યા આણંદ
