રાજકોટ શહેર કોંગ્રેસ સમિતિના નવનિયુક્ત પ્રમુખ પ્રદીપભાઈ ત્રિવેદી એ આજ રોજ વિધિવત રીતે કાર્યભાર સંભાળ્યો.

ગુજરાત પ્રદેશ કોંગ્રેસ સમિતિ ના પ્રમુખ જગદીશભાઈ ઠાકોર ની સુચના અનુસાર રાજકોટ શહેર કોંગ્રેસ સમિતિના નવનિયુક્ત પ્રમુખ તરીકે પ્રદીપભાઈ ત્રિવેદી ની નિમણુક કરવામાં આવી ત્યારે આજ રોજ રાજકોટ શહેર કોંગ્રેસ કાર્યાલય ખાતે વિધિવત રીતે પ્રમુખ તરીકેનો કાર્યભાર સંભાળ્યો હતો તેમજ કાર્યકરો આગેવાનો દ્વારા કાર્યાલય ખાતે પ્રદીપભાઈ ત્રિવેદી નું ફૂલહાર પહેરાવી ને સન્માન કરવામાં આવ્યું હતું. આ તકે ગુજરાત પ્રદેશ કોંગ્રેસ સમિતિના ઉપપ્રમુખ ડો. હેમાંગભાઈ વસાવડા, પ્રદેશ મહામંત્રી અને પૂર્વ શહેર પ્રમુખ અશોકભાઈ ડાંગર, મહામંત્રી મહેશભાઈ રાજપૂત, જસવંતસિંહ ભટ્ટી, દિનેશભાઈ મકવાણા, રાજકોટ મનપાના વિપક્ષી નેતા ભાનુબેન સોરાણી, દિપ્તીબેન સોલંકી, ભાર્ગવભાઈ પઢીયાર, કોર્પોરેટર વશરામભાઈ સાગઠીયા, કોમલબેન ભારાઇ, પૂર્વ કોર્પોરેટર દિલીપભાઈ આશવાણી, નીલેશભાઈ મારું, તમામ વોર્ડ પ્રમુખો, તમામ ફ્રન્ટલસેલના ચેરમેનો આગેવાનો કાર્યકરો ભાઈઓ-બહેનો એ ફૂલહાર પહેરાવીને આ નિમણુક ને આવકારી હતી.