કપિલ પટેલ દ્વારા અરવલ્લી
અરવલ્લી જિલ્લાના ભિલોડા તાલુકાના ભેટાલી ખાતે બાગાયત કચેરી દ્વારા મહિલાઓને ફળ અને શાકભાજીમાંથી વિવિધ પ્રકારની બનાવટો બનાવવા તથા શાકભાજી પરીક્ષણ અંગેનો બે દિવસીય તાલીમ કેમ્પ યોજાયો હતો…
બે દિવસીય યોજાયેલ શિબીર માં મહિલાઓને ફળ અને શાકભાજી પાકોમાંથી વિવિધ બનાવટો અંગે પ્રાયોગિક સમજ અને માર્ગદર્શન આપવા માં આવ્યું હતું.જેમાં ટામેટા કેચપ,મિક્ષ ફ્રુટ જામ,આદુ લીંબુનો સ્ક્વોશ,રોઝ શરબત,આમળાની કેન્ડી,આમળાનું અથાણું,જામફળનો સ્ક્વોશ, મરચાનું અથાણું,લીલી હળદરનું અથાણું,સફરજનની ચટણી,ટોપરાના લાડુ,ગાજ રનો હલવો,અનાનસનો સ્ક્વોશ,દાડમનો નેક્ટર અને દાડમ ની જેલી જેવી વિવિધ બનાવટોની તાલીમ આપવામાં આવી હતી…
બે દિવસીય યોજાયેલ તાલીમ શિબિરમાં ભેટાલી ગામની ૫૦ થી વધુ મહિલાઓએ ભાગ લીધો હતો.તાલીમને સફળ બનાવવા નાયબ બાગાયત નિયામકશ્રી બી.એ.કરપટિયાના માર્ગદર્શન હેઠળ બાગાય ત અધિકારીશ્રી એ.પી.પટેલ,બાગાયત નિરીક્ષકશ્રી જે.પી. સોલંકી,તાલીમ નિષ્ણાંત સ્મિતાબેન તથા કૈલાસબેન દ્વારા સરાહનીય કામગીરી કરવામાં આવી હતી…
