શક્તિપીઠ અંબાજી ગુજરાતનું સૌથી મોટું શક્તિપીઠ છે અંબાજી દાંતા તાલુકામાં આવે છે અને હાલમાં ચૂંટણીનો માહોલ ચાલતો હોઈ દાંતા તાલુકામાં ચૂંટણી પ્રચારનો આજે અંતિમ દિવસ હોઈ મોટી સંખ્યામાં લોકો વોટિંગ કરે તે માટે ચૂંટણી પંચ અપીલ કરી રહ્યું છે
ત્યારે વિવિધ પાર્ટીઓ દ્વારા વોટિંગ ના દિવસે મતદારો તેમના ઉમેદવારને મત આપે તે માટે સભા યોજીને પોતાના પાર્ટીના ઉમેદવાર જીતે તે માટે પ્રયાસ કરતા હોય છે ત્યારે આજે દાંતા તાલુકાના વડુમથક દાંતા ખાતે ભાજપના સ્ટાર પ્રચારક અલ્પેશ ઠાકોર દ્વારા જાહેર સભામા હાજરી આપી હતી.
અલ્પેશ ઠાકોર દ્વારા કોંગ્રેસ પર આકરા પ્રહાર કરવામાં આવ્યા હતા. દાંતા સર ભવાની હાઈસ્કૂલના મેદાનમાં અલ્પેશ ઠાકોર દ્વારા જાહેર સભા યોજાઈ હતી. ભારતીય જનતા પાર્ટી દ્વારા તેમનું ભવ્ય સ્વાગત કરવામાં આવ્યું હતું.
મોટી સંખ્યામાં લોકો અહીં આવ્યા હતા.દાંતા તાલુકાની વાત કરવામાં આવે તો આ વિસ્તાર કોંગ્રેસનો ગઢ છે ત્યારે આ વખતે કમળ ખીલે છે કે પંજો ફરીથી આવે છે તે આઠ ડિસેમ્બરના રોજ ખબર પડશે.
અંબાજી પ્રહલાદ પૂજારી
