રિપોર્ટિંગ આનંદ ગુરવ સુરત.
સુરતના ડીંડોલી વિસ્તારમાં ચોકાવનારો કિસ્સો સામે આવ્યો છે. સુરતમાં મજૂરી કામ કરી ગુજરાત ચલાવનાર અને ફૂટપાથ પર રહેતા શ્રમજીવી યુવક પર જીવલેણ હુમલો કરવામાં આવ્યો હોવાની ઘટના સામે આવી હતી. જેમાં પત્નીએ જ પોતાના પતિની હત્યા માટેનો પ્લાન બનાવ્યો હતો. પત્નીએ પ્રેમીને દાહોદથી સુરત બોલાવ્યો હતો. અને પ્રેમમાં અડચણ રૂપ બનેલા પતિની હત્યા કરવાનું નક્કી કર્યું હતું.
જેને લઇ રાત્રી દરમ્યાન પતિ ફૂટપાથ પર નિદ્રા માણી રહ્યો હતો. ત્યારે પ્રેમીએ આવી પતિના છાતીમાં ચપ્પુ મારી દઈ ફરાર થઈ ગયો હતો. આ ઘટનામાં પતિ સિવિલ હોસ્પિટલમાં જીવન મરણ વચ્ચે જોલા ખાઈ રહ્યો છે. તો બીજી તરફ પોલીસે પત્ની અને તેના પ્રેમીની ધરપકડ પણ કરી લીધી છે
સુરતના ડિંડોલી પોલીસ મથકના હદ વિસ્તારમાં ગત 28 ડિસેમ્બરના રોજ વહેલી સવારે ડીંડોલી સણીયા કણદે ગામ પાસે આવેલ આત્મીય સંસ્કારધામ સંકુલની બાંધકામ સાઈટમાં કામ કરતા શ્રમજીવી ખુમાનભાઈ મંગાભાઈ ભુરીયા પોતાની પત્ની તથા બાળકી સાથે પતરાના શેડમાં સુતા હતા.
તે વખતે ધાબળો ઓઢીને આવેલા એક અજાણ્યા ઇસમે ખુમાનભાઈ ઉપર ચપ્પુથી છાતીના ભાગે હુમલો કરી ગંભીર ઈજા પહોંચાડી નાસી ગયો હતો. આ દરમિયાન આજુબાજુ પતરાના શેડમાં રહેતા શ્રમજીવી મજૂરો જાગી ગયા હતા અને ખુમાનભાઈને સારવાર અર્થે સિવિલ હોસ્પિટલ ખાતે લઇ ગયા હતા.
આ સમગ્ર મામલે ખુમાનભાઈની પત્ની ગીતાબેન દ્વારા ડીંડોલી પોલીસ સ્ટેશનમાં અજાણ્યા ઇસમ વિરુદ્ધ ફરિયાદ આપી હતી. પોલીસે હુમલો કરનાર સામે ફરિયાદ નોંધ વધુ તપાસ હાથ ધરી હતી.પોલીસ આ બાબતે સકર્તાથી અને ગંભીરતાથી કામગીરી કરી રહી હતી.
જેને લઇ સુરતની ડીંડોલી પોલીસે શ્રમજીવી યુવક પર હુમલો થયો, ત્યારે તેની આસપાસ રહેતા અન્ય શ્રમજીવી લોકોની પણ કડક પૂછપરછ હાથ ધરી હતી. ત્યારબાદ ઘટના અંગે પોલીસે ખુમાનભાઈની પત્ની ગીતાબેનની પણ ઊંડાણપૂર્વક પૂછપરછ કરી હતી.
જેમાં તેની પત્નીના જવાબો ઉપર પોલીસને શંકા જતા. પોલીસની કડક અને ઉલટપ પૂછપરછમાં ભાંગી પડેલી પડી હતી અને ગુનાની કબુલાત કરેલાત કરી હતી. પત્ની ગીતાબેને જણાવ્યું હતું કે, પતિના ગામના કૌટુંબીક ભાઈ લાલા ભુરીયા સાથે છેલ્લા પાંચેક વર્ષથી પ્રેમ સંબંધ છે. કોરોના લોકડાઉન વખતે પ્રેમી લાલા ભુરીયા તથા ગીતાબેન ભુરીયા અને તેના પતિ સુરત શહેરમાં અલગ અલગ બાંધકામ સાઈટ ઉપર સાથે મજૂરી કામ કરતા હતા.
અમારા બંનેના પ્રેમ સંબંધ વિશે મારા પતિને ખબર પડી ગઈ હતી. જેને લઇ તેમના ગામ બિલવાણ ખાતે તેમના પતિ ખુમાન ભુરીયા અને પ્રેમી લાલા ભુરીયા સાથે ગત રક્ષાબંધન વખતે તેમના પ્રેમ સંબંધને લઈને ઝઘડો થયો હતો. ત્યારબાદ તેઓ પોતાના પતિ, બાળકી સાથે સુરત આવી ગયા હતા. અને ડીંડોલીમાં સણિયા કણદે ખાતે આવેલ આત્મીય સંસ્કારધામ સંકુલ બાંધકામ સાઈટ ઉપર મજૂરી કામ કરતા હતા.
દરમિયાન ગીતાબેનએ ફોન કરીને પોતાના પ્રેમી લાલા ભુરીયાને દાહોદથી સુરત બોલાવી લીધો હતો. અને તેમના પ્રેમમાં અડચણ રૂપ પતિનો કાંટો કાઢી નાખવા માટે જણાવ્યું હતું.પતિની હત્યાનો પ્લાન બનાવ્યા બાદ પત્નીનો પ્રેમી લાલા ભુરીયા સુરત આવી ગયો હતો. સુરતમાં આવી તે બે દિવસથી રોકાયો હતો.
આ દરમિયાન તેનો પિતરાઈ ભાઈ સુઈ જાય ત્યારે તેને ઊંઘમાં જ હત્યા કરી નાખવાનો પ્લાન બનાવ્યો હતો. જેને અંજામ આપવા ગત તા. 28 ડિસેમ્બરના રોજ મધરાત્રીએ પ્રેમી ધાબળો ઓઢીને આવી અને બાંધકામ સાઈટની બાજુમાં પતરાના શેડ માં સુતેલ ખુમાન ભુરીયાના છાતીના ભાગે ચપ્પુનો ઘા મારી ગંભીર ઇજા પહોંચાડી નાશી ગયો હતો.
પોલીસને ઘટનાની સમગ્ર હકીકત વિશે જાણકારી મળી ગયા બાદ સૌપ્રથમ તેના પતિને મારવાના કાવતરા બદલ પત્ની ગીતાબેન ભુરીયાની ધરપકડ કરી હતી અને ત્યારબાદ તેના પ્રેમીને ધરપકડ કરવા માટે શોધખોળ શરૂ કરી હતી. આ દરમિયાન પોલીસે બાતમીના આધારે મહિલાનો પ્રેમી અને ભોગ બનનારનો પિતરાઈ ભાઈ લાલા ભુરીયાની પણ ધરપકડ કરી લીધી હતી. પોલીસે બંનેની ધરપકડ કર્યા બાદ કાયદેસરની કાર્યવાહી હાથ ધરી છે.
સુરતના ડીંડોલી વિસ્તારમાં ચોકાવનારો કિસ્સો સામે આવ્યો સુરતમાં મજૂરી કામ કરી ગુજરાત ચલાવનાર અને ફૂટપાથ પર રહેતા શ્રમજીવી યુવક પર જીવલેણ હુમલો.
પત્નીએ જ પોતાના પતિની હત્યા માટેનો પ્લાન બનાવ્યો પત્નીએ પ્રેમીને દાહોદથી સુરત બોલાવ્યો પ્રેમમાં અડચણ રૂપ બનેલા પતિની હત્યા કરવાનું નક્કી કર્યું રાત્રી દરમ્યાન પતિ ફૂટપાથ પર નિદ્રા માણી રહ્યો હતો પ્રેમીએ આવી પતિના છાતીમાં ચપ્પુ મારી દઈ ફરાર થઈ ગયો હતો ઘટનામાં પતિ સિવિલ હોસ્પિટલમાં જીવન મરણ વચ્ચે જોલા ખાઈ રહ્યો છે બીજી તરફ પોલીસે પત્ની અને તેના પ્રેમીની ધરપકડ પણ કરી.
