પોરબંદરના દરિયામાંથી 200 કિલો ડ્રગ્સ સાથે 2 ની કરી ધરપકડ.
અમદાવાદ, સંજીવ રાજપૂત, એબીએનએસ; ગુજરાત ATS અને ઇન્ડિયન કોસ્ટ ગાર્ડના સયુંકત ઓપરેશને ભારે સફળતા મળી છે.
ગુજરાત ATS અને ઇન્ડિયન કોસ્ટ ગાર્ડના સયુંકત ઓપરેશને પોરબંદર નજીક દરિયામાંથી 200 કિલો ડ્રગ્સ ઝડપી લેવાયું છે અને 2 લોકોની ધરપકડ કરાઈ છે જેઓ ઇરાનીઓ હોવાનું જાણવા મળ્યું છે.
પૂછપરછ દરમ્યાન મળેલ માહિતી મુજબ પંજાબમાં આ ડિલિવરી લેવાની હતી અને ઇરાનનો હાજી નામનો વ્યકતિ ડ્રગ્સ સપ્લાય કરવાનો હતો.. પોરબંદર નજીક દરિયામાં આશરે 8 થી 10 કલાક દરિયામાં વોચ ગોઠવવામાં આવી હતી અને કોસ્ટ ગાર્ડ દ્વારા પીછો કરી 140 માઈલ દૂર આ સ્પીડ બોટને ઝડપી પાડી હતી.
ધરપકડ થનાર અબ્દુલ મજીદ અને અબ્દુલ સતાર આ ડ્રગ્સ લઈને આવ્યા હતા અને ગુજરાત થઇ પંજાબ ડ્રગ્સ મોકલવાનું હતું. આરોપીઓ પાસેથી મોબાઈલ ફોન અને શંકાસ્પદ કેમિકલ પણ મળ્યું છે. આ બાબતે સુનિલ જોશી, DIG ATS દ્વારા વિસ્તૃત માહિતી આપી હતી. આમ એકવાર ઇન્ડિયન કોસ્ટ ગાર્ડ અને ગુજરાત ATS નશાના આ કારોબારને રોકવામાં સફળ સાબિત થયું છે અને આ નશો વહેંચાય તે પહેલાં પર્દાફાશ કર્યો છે.
