જામનગર: શહેર પોલીસ અધિક્ષક પ્રેમસુખ ડેલુનાઓએ તેમજ નાયબ પોલીસ અધિક્ષક વરૂણ વસાવાનાઓએ પોલીસ કર્મચારીઓના સ્વાસ્થ્યની સંભાળ લેવા માટે મેડીકલ ચેકઅપ કરાવી સ્વાસ્થ્ય પ્રત્યે સજાગ બને તે માટે તેઓની સુચનાથી સીટી એ ડીવીઝન પોલીસ સ્ટેશનના પીઆઇ એમ.બી.ગજજર તથા ઇન્ચાર્જ
પોલીસ ઇન્સ. પી.પી.ઝા તેમજ સર્વેલન્સ સ્કોડના પીએસઆઈ બી.એસ.વાળાના માર્ગદર્શન હેઠળ શહીદ દીન નીમીતે બીટીજી એજ્યુકેશન અને ચેરીટીબલ ટ્રસ્ટ જામનગર તેમજ સીટી એ ડીવી. પોલીસ સ્ટેશનના સંયુક્ત સહયોગથી જામનગર સીટી એ ડીવીઝન પોલીસ સ્ટેશન ખાતે ફ્રી મેડિકલ ચેકઅપ કેમ્પનુ આયોજન કરવામાં આવ્યું હતું
જેમાં આ ટ્રસ્ટના ડોક્ટરની ટીમ હાજર રહી તેઓ દ્વારા સીટી એ ડીવીઝનના તમામ પોલીસ અધીકારી તેમજ કર્મચારી તેમજ હોમગાર્ડનુ ફ્રી મેડીકલ ચેકઅપ કરવામાં આવ્યું હતું..આ કાર્યક્રમમાં એ ડિવિઝનના તમામ પોલીસકર્મીઓ દ્વારા ઉત્સાહ પૂર્વક ભાગ લેવામાં આવ્યો હતો. આ કાર્ય બદલ જામનગર પોલીસ અધિક્ષક અને નાયબ પોલીસ અધિક્ષક તેમજ સીટી એ ડીવીઝન પોલીસ સ્ટાફ વતી આ ટ્રસ્ટનો આભાર વ્યક્ત કરવામાં આવેલ.
