રિપોર્ટિંગ આનંદ ગુરવ સુરત
કેન્દ્ર અને રાજ્ય સરકારની ફ્લેગશીપ યોજનાઓના લાભો ગામે ગામ સુધી પહોંચે તેવા આશયથી સુરત જિલ્લાના બારડોલી તાલુકાના નિઝર ગામે વિકસિત ભારત સંકલ્પ યાત્રાનો રથ આવી પહોંચ્યો હતો. જ્યાં ગ્રામજનો દ્વારા સંકલ્પ યાત્રાના રથનું ભવ્ય સ્વાગત કરાઇ વિકસિત ભારતની સામૂહિક પ્રતિજ્ઞા લીધી હતી.
જેમાં સુરત જિલ્લા સંગઠન પ્રમુખશ્રી ભરતભાઈ પટેલ દ્વારા પ્રાસંગિક ઉદ્બોધન કરવામાં આવ્યું હતું. તેમજ વિવિધ શાખાઓ દ્વારા કેન્દ્ર અને રાજય સરકારની પોષણ અભિયાન, પી.એમ કિસાન વય યોજના, કિસાન ક્રેડિટ કાર્ડ યોજના, વિશ્વકર્મા યોજના, આયુષ્યમાન કાર્ડ,જલ જીવન મિશન યોજના, અટલ પેન્શન યોજના, પ્રાકૃતિક ખેતી, પશુપાલન માટેની યોજનાઓ જેવી વિવિધ વિભાગોની યોજનાઓ વિષે વિસ્તૃત માહિતી પુરી પાડવામાં આવી હતી.
આ અવસરે મહાનુભવોના હસ્તે સરકારશ્રીની વિવિધ કલ્યાણકારી યોજનાઓના લાભોનું વિતરણ કરવામાં આવ્યું હતું. તેમજ પોષણ અભિયાન, પી.એમ.જે.વાય, સખી મંડળ, ખેતીવાડી વિભાગ, આરોગ્ય વિભાગના લાભાર્થીઓએ પોતાના અનુભવો જણાવ્યા હતા.
આ પ્રસંગે ધારાસભ્યશ્રી ઈશ્વરભાઈ પરમાર, માજી સુરત જિલ્લા પંચાયત પ્રમુખશ્રી ભાવેશભાઈ પટેલ, જિ. સંગઠન પ્રમુખ ભરતભાઈ રાઠોડ, બારડોલી તાલુકા પ્રમુખ જમનાબેન રાઠોડ, સરપંચ ગીતાબેન હળપતિ, મદદનીશ તાલુકા વિકાસ અધિકારી નિલેશભાઈ મહેતા, વિસ્તરણ અધિકારીશ્રી (ખેતી), ગામના તલાટી-કમ-મંત્રીશ્રી ,આરોગ્યનો સ્ટાફ, મુખ્ય સેવિકા શ્રીમતિ સંગીતાબેન સદાવર્તે, આંગણવાડી વર્કર, તેડાગર, સખી મંડળની બેહનો અને અન્ય વિભાગના અધિકારી સહિત મોટી સંખ્યામાં ગ્રામજનો ઉપસ્થિત રહ્યા હતા.
