એબીએનએસ, ઉંઝા, ઊંઝા તાલુકાના મહેરવાડા ગામે શ્રી મહાકાળી માતાજીના નવરાત્રી મહોત્સવમાં છેલ્લા દિવસે મહેસાણાના સાંસદ સભ્ય હરિભાઈ પટેલે પોતાની અપાર શ્રદ્ધાના ભાગરૂપે માતાજીના દર્શન કરી સૌનું કલ્યાણ થાય તેવી પ્રાર્થના કરી ધન્યતા અનુભવી.
મહેરવાડા ગામે નવરાત્રીની પરંપરાગત માતાજીના ગરબા અને માંડવી ગરબે ઘૂમે છે. આ પ્રસંગે સાંસદ સભ્ય હરિભાઈ પટેલ એ માતાજીની માંડવી ઉપાડી ગરબે ઘૂમ્યા. આ પ્રસંગે ઊંઝા ના ધારાસભ્ય કિરીટભાઇ પટેલ એ પણ માંડવી ઉપાડી હતી અને ખેરાલુના ધારાસભ્ય સરદાર ભાઈ ચૌધરી પણ ઉપસ્થિત રહ્યા. ગામ લોકોએ ભવ્ય સુંદર આયોજન કર્યું હતું અને લાખો શ્રદ્ધાળુઓએ આ સમયે દર્શનનો લાભ લીધો હતો.
