ચૂંટણી ચાલી રહી છે વાદ વિવાદનાં આરોપો ચાલી રહ્યા છે.કેટલીક વખત હાર ભાળતા ઉમેદવારો પણ છેલ્લી કક્ષા સુધી જઈ સ્ટંટ કરતા ન્યૂઝ પણ જોવા મળી રહ્યા છે ગુજરાતમાં ત્યારે હવે દાંતાની ગંગવા સીટ પર વિવાદ સામે આવ્યો છે અને આમ આદમી પાર્ટીના ઉમેદવારે કોંગ્રેસ પર આક્ષેપ કર્યો છે.દાંતાના ગંગવા ગામે ના સમર્થકોની દારૂ ભરેલી કાર પકડાતા ભારે ચકચાર મચી હોવાનો લાગ્યો આરોપ.
આમ આદમી પાર્ટીના કાર્યકરોએ દારૂ ભરેલી ગાડીને રંગેહાથ ઝડપી પાડી પોલીસને જાણ કરતા ઘટના સ્થળે દોડધામ મચી ગઈ.સોશિયલ મીડિયામાં વીડિયો વાયરલ: કારમાં જાણે ‘બીયર બાર’ ખોલ્યું હોય તેમ ખુલ્લેઆમ દારૂની હેરાફેરી થતી જોવા મળી.ગ્રામજનોએ આક્ષેપ કર્યો કે એકબાજુ સમાજ દારૂ છોડાવે છે,
ત્યારે રાજકીય પક્ષો દારૂ અને પૈસાની લાલચ આપી વોટ ખરીદવા મથે છે.કોંગ્રેસના કાર્યકરો ઠાકોર સમાજના યુવાનોને ડરાવી-ધમકાવી રહ્યા હોવાનો આરોપ લાગ્યા.લોકોનું ટોળું એકઠું થતાં કાર ચાલક અન્ય સાથીદારો સાથે ગાડી ભગાવી નાસી છૂટવામાં સફળ રહ્યો હતો.
આચારસંહિતાના ભંગ સાથે રાત્રિના સમયે થયેલી આ ઘટનાથી સ્થાનિક રાજકારણમાં ગરમાવો અને તંત્ર સામે સવાલો ઉઠ્યા છે.આપના કાર્યકરોએ દસથી વધુ વીડિયો અને પુરાવા હોવાનો દાવો કરી પોલીસ પાસે કડક કાર્યવાહીની માંગણી કરી છે.
રિપોર્ટર અમિત પટેલ અંબાજી
