અમદાવાદ હવાઈમથક પર તેમના આગમન સમયે આત્મીયતા, ગૌરવ અને ઉત્સાહથી ભરપૂર સ્વાગત કરવામાં આવ્યું.
આ ભવ્ય અવસરે ગુજરાત રાજ્યના રાજ્યપાલ આચાર્ય દેવવ્રતજી, માનનીય મુખ્યમંત્રી ભૂપેન્દ્રભાઈ પટેલ, ગુજરાત પ્રદેશ પ્રમુખ જગદીશ વિશ્વકર્મા, ઉપ મુખ્યમંત્રી હર્ષભાઈ સંઘવી, કેબિનેટ મંત્રી જીતુભાઈ વાઘાણી તેમજ આરોગ્ય મંત્રી પ્રફુલભાઈ પાનશેરિયા સહિતના અગ્રણીઓ તેમજ અધિકારીઓ ઉપસ્થિત રહી વડાપ્રધાનશ્રીનું હાર્દિક અભિવાદન કર્યું.
પરંપરાગત ઢબે થયેલા આ સ્વાગત સમારોહમાં ગુજરાતની સંસ્કૃતિ અને સૌહાર્દનો અનોખો અહેસાસ જોવા મળ્યો. સમગ્ર માહોલ દેશભક્તિ, ગૌરવ અને ઉત્સાહથી ગુંજી ઉઠ્યો હતો. રાજ્યના આગેવાનો તેમજ કાર્યકરોમાં વિશેષ ઉમંગ અને ઉત્સાહ છવાયેલો હતો.
વડાપ્રધાનશ્રીની આ મહત્વપૂર્ણ મુલાકાત ગુજરાતના સર્વાંગી વિકાસને નવી દિશા આપશે, તેમજ વિવિધ વિકાસયોજનાઓને વધુ ગતિ મળશે તેવી વિશ્વાસપૂર્ણ આશા વ્યક્ત કરવામાં આવી રહી છે. ગુજરાતના જનજન માટે આ મુલાકાત પ્રેરણાદાયી અને ગૌરવપૂર્ણ ક્ષણ તરીકે યાદગાર બની રહેશે.
રિપોર્ટર કિંજલ પંચાલ અમદાવાદ
