અમદાવાદ: અમદાવાદના જમાલપુર વિસ્તારમાં સ્થાનિકોની સમસ્યાઓને ધ્યાનમાં રાખીને ધારાસભ્ય ઇમરાન ખેડાવાલાએ એક મહત્વની ઝુંબેશ ચલાવી હતી.
સ્થાનિકોને આવકના દાખલા કઢાવવા માટે જમાલપુર ચોરાથી તલાટીના સહિ-સિક્કા કરાવી ઈસનપુર ચોરા ખાતે આવકનું પ્રમાણપત્ર બનાવવા જવું પડતું હતું જેમાં સમયનો વ્યય થતો હતો. જે વાતને ધ્યાનમાં લેતા ધારાસભ્ય ઈમરાન ખેડાવાલાની વારંવાર રજુઆત કરવાના કારણે હવેથી તે આવકનું પ્રમાણપત્ર બનાવવા માટે જમાલપુરની જનતાને ઈસનપુર ચોરા નહિં જવું પડે પરંતુ હવેથી અઠવાડિયામાં બે દિવસ સોમવાર અને ગુરુવાર જમાલપુર શાકમાર્કેટના ચોરા ખાતે જ તલાટીના સહિ-સિક્કા પણ થશે અને આવકનું પ્રમાણપત્ર બનાવવાની સમગ્ર પ્રક્રિયા હાથ ધરી આવકનું પ્રમાણપત્ર પણ લોકોને સરળતાથી મળી રહેશે .
આ સમાચાર વાયુવેગે જમાલપુરમાં ફેલાતા વિસ્તારના લોકોએ ઇમરાન ખેડાવાળાની કામગીરીને બિરદાવી છે અને આ સરાહનીય કાર્યની પ્રસંશા કરવામાં આવી રહી છે.
