ગઢડા(સ્વામીના) તાલુકાના ઉગામેડી ગામે રેઢીયાળ ઢોરના કારણે અકસ્માત થતા એક વ્યક્તિને માથાના ભાગે ગંભીર ઈજા થતાં સારવાર દરમિયાન મોત નિપજવાની ઘટનાથી અરેરાટી ફેલાઈ જવા પામેલ છે.
આ અંગે વધારે જાણવા મળતી વિગત અનુસાર ઉગામેડી ગામે રહેતા જૈનમ મરચા પેઢી ધરાવતા વેપારી ભરતભાઈ (ઉં.વ.૫૫) સવારે ઘરેથી એકટીવા લઈને આવી રહ્યા હતા એ દરમિયાન પૂરપાટ ઝડપે આવતા આખલાએ અડફેટે લેતા અકસ્માત થતા માથાના ભાગે ગંભીર ઈજા થવા પામી હતી.
આ દરમિયાન બોટાદ વડોદરીયા હોસ્પિટલ ખાતે સારવાર દરમિયાન મોત નિપજ્યું હતું. શહેરી તથા ગ્રામ્ય વિસ્તારોમાં રખડતા ભટકતા રેઢીયાળ ઢોર ના કારણે અનેક નિર્દોષ લોકોએ જીવ ગુમવવા પડતા હોવાની ઘટનાથી ભારે અરેરાટી ફેલાઈ જવા પામેલ છે.
રિપોર્ટ જયરાજ ડવ બોટાદ
