પાનોલી પોલીસે અંકલેશ્વરના આલુંજ ગામની પાછળ આવેલી બાવળી ખાંચા પાસેથી 260 કિલો ગૌમાસ અને 31 ગૌ વંશોને મુક્ત કરાવી રૂ.4.89 લાખનો મુદ્દામાલ કબજે કરી ત્રણ ખાટકીઓની ધરપકડ કરી વધુ તપાસ હાથ ધરી છે.
પાનોલી પોલીસનો સ્ટાફ પેટ્રોલીંગમાં હતો. ત્યારે, અંકલેશ્વરના આલુંજ ગામની પાછળ આવેલી બાવળી ખાંચામાં હાફેસ આદમ જોગીયાતના બાવળીવાલી પડતર જગ્યામાં ગૌ વંશનું કટિંગ ચાલી રહ્યું છે. જે બાતમીના આધારે પોલીસે દરોડા પાડ્યા હતા.
પોલીસે સ્થળ પરથી ગૌ વંશનું કતલ કરતા આલુંજ ગામના મસ્જીદ ફળિયામાં રહેતો આશીફ અબ્દુલ સુલેમાન જોગીયાત, સુલેમાન ઈકબાલ જોગીયાત અને સલમાન સઈદ અહેમદ કાલુ દિવાનને ઝડપી પાડી પાડ્યા હતા. સ્થળ પરથી 260 કિલો ગૌ વંશ અને કતલ કરવાના ઈરાદે વાડામાં રાખેલ 12 ગાય, 5 બળદ અને 14 વાછરડી મળી 31 પશુઓને મુક્ત કરાવ્યા હતા. પોલીસે સ્થળ પરથી એક પીકઅપ ગાડી અને બે બાઈક, કતલ કરવાના સાધનો તેમજ 3 ફોન મળી કુલ 4.89 લાખનો મુદ્દામાલ કબજે કરી વધુ તપાસ હાથ ધરી છે. છેલ્લા ઘણા સમયથી કતલખાનું ધમધમતું હોવાની વિગતો બહાર આવી રહી છે.
ભાવેશ મુલાણી, ભરૂચ.
