ગુજરાતી ફિલ્મ “શ્રી શ્યામ તું હી સહારા”નું આર.ડી ફાર્મ ખાતે ભક્તિમય વાતાવરણમાં શુભ મુહૂર્ત પૂજન સંપન્ન

રિપોર્ટર: અનુજ ઠાકર.

ભવ્ય ગુજરાતી ફિલ્મ “શ્રી શ્યામ તું હી સહારા”નું શુભ મુહૂર્ત પૂજન ભક્તિભાવ સાથે આર.ડી ફાર્મ, ગામ – મહુન્દ્રા ખાતે કરવામાં આવ્યું,ગુજરાતી ફિલ્મ ઉદ્યોગમાં ભક્તિ,શ્રદ્ધા અને માનવ જીવનના સંઘર્ષને કેન્દ્રમાં રાખીને નિર્માણ પામી રહેલી રામાધાણી પ્રોડક્શનની ભવ્ય ગુજરાતી ફીચર ફિલ્મ “શ્રી શ્યામ તું હી સહારા”નું શુભ મુહૂર્ત પૂજન રવિવાર, તા. 19 જુલાઈ, 2026ના રોજ વૈદિક મંત્રોચ્ચાર અને ધાર્મિક વિધિ સાથે ભવ્ય અને ભક્તિમય વાતાવરણમાં સફળતાપૂર્વક સંપન્ન થયું.

મુહૂર્ત સમારંભમાં ફિલ્મના નિર્માતાઓ,દિગ્દર્શક મંડળ, કલાકારો,ટેકનિકલ ટીમ, ગુજરાતી ફિલ્મ ઉદ્યોગના અગ્રણી મહાનુભાવો તેમજ પ્રિન્ટ,ઇલેક્ટ્રોનિક અને ડિજિટલ મીડિયાના પ્રતિનિધિઓ મોટી સંખ્યામાં ઉપસ્થિત રહ્યા હતા. ઉપસ્થિત સૌએ ભગવાન શ્રી શ્યામના ચરણોમાં પ્રાર્થના કરી ફિલ્મના સફળ નિર્માણ અને ભવ્ય સફળતા માટે
શુભકામનાઓ પાઠવી હતી.

“શ્રી શ્યામ તું હી સહારા” ભક્તિ,આસ્થા,વિશ્વાસ અને જીવનના ઉતાર-ચઢાવને સ્પર્શતી એક ભાવનાત્મક ગુજરાતી ફિલ્મ છે, જે દર્શકોને આધ્યાત્મિકતા અને મનોરંજનનો અનોખો અનુભવ કરાવશે.ફિલ્મનું નિર્માણ એમ. કે. ચૌહાણ દ્વારા કરવામાં આવી રહ્યું છે,

જ્યારે અલ્પેશ ચૌહાણ સહ-નિર્માતા તરીકે જોડાયેલા છે. ફિલ્મનું દિગ્દર્શન દીપક જયસ્વાલ કરી રહ્યા છે. ચંદનસિંહ વાઘેલા ફિલ્મમાં સહ-દિગ્દર્શક, પટકથા અને સંવાદ લેખક તેમજ કાસ્ટિંગ ડિરેક્ટર તરીકે મહત્વપૂર્ણ જવાબદારીઓ સંભાળી રહ્યા છે અને ફિલ્મના સર્જનાત્મક પાસાઓને વધુ મજબૂત બનાવી રહ્યા છે.

ફિલ્મમાં ગુજરાતી ફિલ્મ જગતના પ્રતિભાશાળી કલાકારો ઋત્વિક પટેલ, દેવાંશી પંડ્યા,ભાવિન રોય, કોમલ પંચાલ અને રાજ ગઢવી મુખ્ય ભૂમિકાઓમાં અભિનય કરી રહ્યા છે.મુહૂર્ત પ્રસંગે તમામ કલાકારોએ હાજરી આપી હતી અને ફિલ્મને લઈને પોતાનો ઉત્સાહ વ્યક્ત કર્યો હતો.ફિલ્મના દ્રશ્ય નિર્માણની જવાબદારી ધર્મેશ પરમાર D.O.P. તથા કે. ડી. ઝાલા Second D.O.P. સંભાળી રહ્યા છે. ફિલ્મના કલાત્મક સેટ,લોકેશન ડિઝાઇન અને દ્રશ્યાત્મક અભિગમ નું કાર્ય કિશન કણસાગરા આર્ટ ડિરેક્ટર દ્વારા કરવામાં આવી રહ્યું છે. ફિલ્મનું સંગીત કૃતાર્થ તલાવિયા દ્વારા તૈયાર કરવામાં આવી રહ્યું છે,

જ્યારે ચૈતાલી શાહ ફિલ્મના પ્રોડક્શન તેમજ મેકઅપ વિભાગની મહત્વપૂર્ણ જવાબદારીઓ નિભાવી રહ્યા છે.મુહૂર્ત પૂજન પૂર્ણ થયા બાદ ફિલ્મના નિયમિત શૂટિંગનો પ્રારંભ કરવામાં આવ્યો છે. નિર્માતા મંડળે વિશ્વાસ વ્યક્ત કર્યો હતો કે ભવ્ય વિષયવસ્તુ, અનુભવી ટેકનિકલ ટીમ અને પ્રતિભાશાળી કલાકાર મંડળના સહયોગથી “શ્રી શ્યામ તું હી સહારા” ગુજરાતી સિનેમામાં એક યાદગાર અને સફળ ફિલ્મ તરીકે સ્થાન મેળવશે.

અંતમાં રામાધાણી પ્રોડક્શન દ્વારા મુહૂર્ત સમારંભને સફળ બનાવવા બદલ ઉપસ્થિત તમામ મહાનુભાવો,મીડિયા પ્રતિનિધિઓ,શુભેચ્છકો અને સમગ્ર ટીમનો હૃદયપૂર્વક આભાર વ્યક્ત કરવામાં આવ્યો હતો.ફિલ્મ ક્રેડિટ્સ બેનર Ramadhani Production ફિલ્મ:શ્રી શ્યામ તું હી સહારા નિર્માતા: એમ.કે.ચૌહાણ સહ-નિર્માતા:અલ્પેશ ચૌહાણ દિગ્દર્શક:દીપક જયસ્વાલ શીહ-દિગ્દર્શક:ચંદનસિંહ વાઘેલા પટકથા અને સંવાદ: ચંદનસિંહ વાઘેલા કાસ્ટિંગ ડિરેક્ટર: ચંદનસિંહ વાઘેલા મુખ્ય કલાકારો:ઋત્વિક પટેલ, દેવાંશી પંડ્યા, ભાવિન ડીએસ રોય, કોમલ પંચાલ, રાજ ગઢવી, હિરેન પ્રજાપતિ, નૈતિક દેસાઈ,કિશન કણસાગરા અને ભૂમિ ચૌહાણ, ડી.ઓ.પી.: ધર્મેશ પરમાર સેકન્ડ ડી.ઓ.પી.કે.ડી.ઝાલા આર્ટ ડિરેક્ટર:કિશન કણસાગરા સંગીત:કૃતાર્થ તલાવિયા પ્રોડક્શન:ચૈતાલી શાહ મેકઅપ:ચૈતાલી શાહ, કાનો (કડી ), હેર ડ્રેસર – છાયા પંડ્યા.