કપિલ પટેલ દ્વારા અરવલ્લી
૮મી માર્ચ આંતરરાષ્ટ્રીય મહિલા દિવસની ઉજવણી કાર્યક્રમ સાંસદશ્રી દિપસિંહ રાઠોડની અઘ્યક્ષતામાં સ્વામિનારાયણ મંદિર હોલ કાંકણોલ, હિંમતનગર ખાતે મંગળવારે સવારે ૯-૦૦ કલાકે યોજાશે.
સમાજમાં મહિલાઓના ઉત્કર્ષ માટે લોકજાગૃતિ લાવવા અર્થે ૮ મી માર્ચ આંતરરાષ્ટ્રીય મહિલા દિવસ તરીકે ઉજવવામાં આવે છે. આ કાર્યક્રમમાં પુરસ્કાર વિતરણ, સન્માન કાર્યક્રમ, વિવિધ યોજનાઓના ખાતમુહર્ત તથા ઈ-લોન્ચિંગ જેવા કાર્યક્રમો કરાશે.
આ કાર્યક્રમમાં રાજ્યસભા સાંસદ શ્રીમતી રમીલાબેન બારા, અન્ન નાગરિક પુરવઠા અને ગ્રાહક સુરક્ષાની બાબતોના મંત્રીશ્રી ગજેન્દ્રસિંહ પરમાર, જિલ્લા પંચાયત પ્રમુખશ્રી ધીરજભાઇ પટેલ, હિંમતનગર ધારાસભ્યશ્રી રાજેન્દ્રસિંહ ચાવડા, ઇડર ધારાસભ્યશ્રી હિતુ કનોડિયા, ખેડબ્રહ્મા ધારાસભ્ય શ્રી અશ્વિનભાઈ કોટવાલ, સાબરકાંઠા મહિલા બાળ વિકાસ અને યુવા પ્રવુતિ સમિતિના ચેરમેન શ્રી રેખાબા ઝાલા, હિંમતનગર નગરપાલિકા પ્રમુખ શ્રીમતી યતીનાબેન મોદી ઉપસ્થિત રહેશે.
