કપિલ પટેલ દ્વારા અરવલ્લી
અમદાવાદ ના ત્રીસ જેટલા સંનિષ્ઠ સાહિત્યપ્રેમીઓએ આકરુન્દ સંદેશ લાઈબ્રેરીની મુલાકાત લીધી હતી. અમદાવાદ મહાનગરના જાણીતા સાહિત્યકારો પત્રકારો, સર્જકો, અધ્યાપકો અને વાંચકો એ આકરુન્દ ગામની સરકારી પ્રાથમિક શાળાની લાઈબ્રેરીની મુલાકાત લીધી હતી. અમદાવાદની સ્મૃતિ ટ્રસ્ટ સંચાલિત સાર્વજનિક લાઈબ્રેરી, નિર્ણયનગર એક ધબકતી સાહિત્યિક સંસ્થા છે. આ સંસ્થા સાથે સંનિષ્ઠ સાહિત્યપ્રેમીઓ જોડાયેલા છે.ત્યારે સ્મૃતિ ટ્રસ્ટ સંચાલિત સાર્વજનિક લાઇબ્રેરી ના સદસ્યો એ આકરુન્દ લાઇબ્રેરીની મુલાકાત લીધી હતી.આ મુલાકાત દરમિયાન સંદેશ લાઈબ્રેરીને વધુ પ્રવૃતિશીલ બનવા સૌ સદસ્યો તરફથી ખૂબ મહત્વનું માર્ગદર્શન આપવામાં આવ્યું હતું.અને વિદ્યાર્થીઓને ગરમ ચા કોફી મળી રહે એ માટે એક મોટી થર્મોસ કીટલી પણ ભેંટ આપી હતી.માન.ડૉ.વિનીત પરીખ સર,સંતોષ સર અને આરતી મેમ સહિત સૌ મહેમાનોનો સંદેશ લાઈબ્રેરી પરિવાર તરફથી ઈશ્વર પ્રજાપતિ એ અંતઃકરણ પૂર્વક આભાર વ્યક્ત કર્યો હતો.
