અતુલ્ય વીર ચેરીટેબલ ટ્રસ્ટ ભરૂચ દ્વારા ભરૂચ જિલ્લાની ઈન્ટર સ્કુલ પરેડ કોમ્પિટિશનનું આયોજન એસેન્ટ સ્કુલ અંકલેશ્વર ખાતે કરવામા આવ્યું. જેમાં ભરૂચ જિલ્લાની ૧૦ સ્કુલ ના ૨૩૦ વિદ્યાર્થીઓએ ભાગ લીધો હતો.
આ સમગ્ર આયોજન માં એસેન્ટ સ્કુલના પ્રિન્સિપાલ વિશાલ શાહ દ્વારા સહયોગ કરવામાં આવ્યો હતો. અતુલ્ય વીર ચેરીટેબલ ટ્રસ્ટ ભરૂચ ના સીઈઓ અનુરાગ દુબે ના માર્ગદર્શન હેઠળ અને ટ્રેનેડ ઈન્સ્ટ્રક્ટરો દ્વારા બાળકો ને પરેડ ની શિસ્તબદ્ધ રીતે સુંદર તાલીમ અપાઈ હતી.
જેનું પ્રદર્શન વિદ્યાર્થીઓએ કરી ઉપસ્થિત લોકોના મનમોહી લીધા હતા. આ પ્રસંગે મુખ્ય મહેમાન તરીકે ભુતપૂર્વ સૈનિક હિરેન ઉપાધ્યાય, અતુલ્ય વીર ચેરીટેબલ ટ્રસ્ટ ના જનરલ સેક્રેટરી પ્રકાશચંદ્ર પટેલ તથા એસેન્ટ સ્કુલના પ્રિન્સિપાલ વિશાલ શાહ ઉપસ્થિત રહી વિદ્યાર્થીઓનો ઉત્સાહ વધાર્યો હતો. પ્રોગ્રામ ના અંતે વિજેતા ટીમો ને ટ્રોફી તથા સર્ટિફિકેટ આપી સન્માનિત કરવામાં આવ્યા હતા.
ભાવેશ મુલાણી, ભરૂચ.
