બનાસકાંઠામાં લમ્પી વાયરસનો કહેર ઓછો થાય તે માટે ગણપતી મંદિરમાં બ્રાહ્મણો દ્વારા પાઠ કરવામાં આવ્યા

શક્તિ ભક્તિ અને આસ્થાનો ત્રિવેણી સંગમ એટલે જગવિખ્યાત યાત્રાધામ અંબાજી ગુજરાત અને રાજસ્થાનની સરહદ ઉપર આવેલું છે. આવનારા થોડાજ દિવસમાં ભાદરવી મહાકુંભ અંબાજી ખાતે યોજાવાનો છે ત્યારે અંબાજી મંદિર ટ્રસ્ટ તરફથી ભાદરવી મેળામા આવતા ભક્તોને દર્શનની કોઈ જ તકલીફ ન પડે તે માટે સુંદર વ્યવસ્થા ટ્રસ્ટ તરફથી કરવામાં આવી છે.

અંબાજી મંદિરમાં સિદ્ધિવિનાયક દાદાનું મંદિર આવેલું છે. આ મંદિરમાં ગણપતિ દાદાનો પુરો પરિવાર સાથે ભકતોને દર્શન મળે છે. આજે ગણેશ ચોથના દીવસે સિદ્ધિ વિનાયક મંદિરમાં ગણપતિ દાદાને 21 કિલો લાડુનો ભોગ ધરાવવામાં આવ્યો હતો અને ગણપતિ દાદાના મંદિરને પણ શણગારવામાં આવ્યુ હતુ.

અંબાજી મંદિરના ચાચર ચોકમાં ટેમ્પલ ઇન્સ્પેકટરની ઓફિસ પાસે સિદ્ધિ વિનાયક દાદાનું મંદિર આવેલું છે. આ મંદિરમાં ગણપતિ દાદા પુરા પરિવાર સાથે બિરાજમાન છે. આજે સવારે ગણપતી મંદિરમા ભગવાનને 21 કિલો લાડુનો ભોગ ધરાવવામાં આવ્યો હતો અને ત્યારબાદ સાંજે સંસ્કૃત પાઠશાળાના વિદ્યાર્થીઓ દ્વારા ગણપતીબાપા ના મંદિરમા પાઠ કરવામાં આવ્યા હતા અને બનાસકાંઠા જિલ્લામાં લંપી વાયરસનો કહેર ઓછો થાય તે માટે પ્રાર્થના કરવામાં આવી હતી.

ગણપતિ દાદા ના મંદિરને રંગબેરંગી ફૂલોથી શણગારવામાં આવ્યું હતું. સાંજે મહાઆરતી પણ કરવામાં આવી હતી. ગણપતિ મંદિરના પૂજારી મુકેશભાઈ જોશી દ્વારા સવાર સાંજ પુજા અર્ચના કરવામાં આવે છે

અંબાજી પ્રહલાદ પૂજારી