કપિલ પટેલ દ્વારા અરવલ્લી
નંદ ઘેર આનંદ ભયો,જય કનૈયા લાલ કી,હાથી ધોડા પાલખી નો ગગનભેદી નારો ગુંજી ઉઠયો હતો. અરવલ્લી જીલ્લા સહિત ભિલોડા તાલુકામાં જન્માષ્ટમીના પાવન પર્વ નિમિત્તે શ્રધ્ધાભેર ઉજવણીનો કાર્યક્રમ ઉલ્લાસભેર યોજાયો હતો.
ભિલોડા જન્મોત્સવ સમિતિ ધ્વારા શ્રી લક્ષ્મીનારાયણ મંદિર,ચોકલી ચોકમાંથી શ્રી કૃષ્ણ ભગવાનની શોભાયાત્રાનું પ્રસ્થાન કરાયું હતું.ભાવિક ભક્તો મોટી સંખ્યામાં જોડાયા હતા.ભિલોડા નગરમાં ઠેર ઠેર મટકીઓ બાંધવામાં આવી હતી.યુવાનોએ ઉંચા ઉંચા પિરામિડો બનાવી મટકીઓ ફોડી હતી.
જય રણછોડ,માખણ ચોરનો ગગનભેદી નારો સર્વત્ર ગુંજતો હતો.પ્રસાદનું વિતરણ કરાયું હતું.
શોભાયાત્રા દરમિયાન કોઈ અનિચ્છનીય બનાવ ન બને તે માટે પોલીસ ધ્વારા બંદોબસ્ત ગોઠવાયો હતો.
