ઉત્તર રેલવેના ફિરોઝપુર ડિવિઝનમાં નોન-ઇન્ટરલોકિંગ કામ માટે લેવામાં આવેલા બ્લોકને કારણે પશ્ચિમ રેલવે ભાવનગર ડિવિઝન થઈને દોડતી ભાવનગર-ઉધમપુર-ભાવનગર એક્સપ્રેસ ટ્રેન (19107/19108) જલંધર સિટી સ્ટેશન પર શોર્ટ ટર્મિનેટ થશે. ભાવનગર રેલ્વે મંડળના સિનિયર ડીસીએમ શ્રી માશૂક અહમદના જણાવ્યા મુજબ, આ ટ્રેનોની વિગતો નીચે મુજબ છે:-
શોર્ટ ટર્મિનેટ ટ્રેનો
1. 11.09.2022 (રવિવાર) ના રોજ ભાવનગર ટર્મિનસથી ઉપડનારી ટ્રેન નંબર 19107 ભાવનગર – ઉધમપુર એક્સપ્રેસ જલંધર સિટી સ્ટેશન પર શોર્ટ ટર્મિનેટ થશે એટલે કે આ ટ્રેન ભાવનગર ટર્મિનસથી ઉપડીને જલંધર સિટી સ્ટેશન સુધી જશે.
2. ટ્રેન નંબર 19108 ઉધમપુર – ભાવનગર એક્સપ્રેસ 12.09.2022 (સોમવાર) ના રોજ જલંધર સિટી સ્ટેશનથી ઉપડશે એટલે કે આ ટ્રેન જલંધર સિટી સ્ટેશનથી ભાવનગર ટર્મિનસ સ્ટેશન સુધી જશે.
