દરરોજ રાષ્ટ્રભક્તિ અંગે રાષ્ટ્રભક્તિ ગાન, સ્લોગન રાઇટીંગ, વકૃત્વ સ્પર્ધા સહિતના કાર્યક્રમોનું આયોજન થઈ રહ્યું છે
“હમારા તિરંગા ,હમારા અભિયાન” ની થીમ પર ભાવનગર જિલ્લાની તમામ પ્રાથમિક શાળાઓમાં દરરોજ તિરંગા રેલી તેમજ વિવિધ રાષ્ટ્રભક્તિના કાર્યક્રમોનું આયોજન કરવામાં આવ્યું છે.
‘આઝાદી કા અમૃત મહોત્સવ’ અંતર્ગત ‘હર ઘર તિરંગા’ અભિયાનમાં જિલ્લા વિકાસ અધિકારીશ્રી ડૉ. પ્રશાંત જિલોવાના માર્ગદર્શન હેઠળ ભાવનગર જિલ્લાની તમામ પ્રાથમિક શાળાઓમાં દરરોજ ‘તિરંગા રેલી’ સાથે રાષ્ટ્રભક્તિ તેમજ રાષ્ટ્રના જનનાયકો અંગેના ચિત્ર સ્પર્ધા, વકૃત્વ સ્પર્ધા, રંગોળી સ્પર્ધા, રાષ્ટ્ર ભક્તિના ગીતોના સ્પર્ધા સહિતના વિવિધ કાર્યક્રમોનું આયોજન કરવામાં આવ્યું છે.
ભાવનગર જિલ્લાના વિવિધ તાલુકાની વિવિધ શાળાઓ ખાતે દરરોજ આ અંગે ‘તિરંગા રેલી’ યોજાઈ રહી છે જેમાં ગામ લોકોનો પણ અભૂતપૂર્વ સહકાર મળી રહ્યો છે.
