મહુવા તાલુકાનાં કરમદિયા ગામનાં શહિદ આર્મી સિગ્નલમેન દેવાભાઇ પરમારને વીરાંજલી આપતા શિલાફલકનું અનાવરણ
ભાવનગર જિલ્લાનાં મહુવા તાલુકાની કરમદિયા પ્રાથમિક શાળા ખાતે “મારી માટી, મારો દેશ” કાર્યક્રમ અંતર્ગત શહિદ આર્મી સિગ્નલમેન દેવાભાઇ હાજાભાઇ પરમારની વિરાંજલી આપતી તખ્તી અનાવરણનો કાર્યક્રમ યોજાયો હતો.
આ કાર્યક્રમમાં વિર શહિદ દેવાભાઇ પરમારનાં પરિવારજનોનાં હસ્તે શિલાફલકનું અનાવરણ કરાવ્યા બાદ તેમના પરીવારજનોને શાલ તથા સન્માનપત્ર આપી સન્માનિત કરવામાં આવ્યાં હતાં.
આ કાર્યક્રમ અંતર્ગત શાળાનાં બાળકો દ્વારા “દેવાભાઇ અમર રહો”, “જય જવાન, જય કિસાન” નાં નારાઓની સાથે ગામમાં રેલી કાઢવામાં આવી હતી.
આ તકે મહુવાનાં પ્રાંત અધિકારીશ્રી કુસુમ પ્રજાપતિ, મહુવા તાલુકા વિકાસ અધિકારીશ્રી સહિતનાં પદાધિકારીશ્રી- અધિકારીશ્રીઓ તેમજ ગ્રામજનો ઉપસ્થિત રહ્યા હતા.
