ભાવનગર જિલ્લા માહિતી કચેરી ખાતે ફરજ બજાવતા નાયબ માહિતી નિયામકશ્રી ચિંતન રાવલની ગાંધીનગર વડી કચેરી ખાતે બદલી થતાં વિદાય સમારોહ અને અમદાવાદ ખાતે ફરજ બજાવતા શ્રી રેસુંગ ચૌહાણે ભાવનગર ખાતે નાયબ માહિતી નિયામકશ્રી (ઈ.ચા)નો ચાર્જ સંભાળતા સત્કાર સમારંભ યોજાયો હતો.
આ વિદાય સમારોહમાં નાયબ માહિતી નિયામક શ્રી ચિંતન રાવલે ભાવનગર ખાતે ૨ વર્ષ અને ૩ મહિના જેટલા ટૂંકા સમયગાળા દરમિયાન તેમણે કરેલી કામગીરીના સંસ્મરણો વાગોળ્યા હતા. આ વેળાએ અમદાવાદ પ્રાદેશિક કચેરીના નાયબ માહિતી નિયામકશ્રી હિમાંશુ ઉપાધ્યાય, સહાયક માહિતી નિયામકશ્રી દિવ્યેશ વ્યાસ, ભાવનગર જિલ્લા માહિતી કચેરીના અધિક્ષકશ્રી યુ.જે.બરાળ,માહિતી મદદનીશ શ્રી કૌશિક શીશાંગીયા, જુનિયર કલાર્ક શ્રી જયરાજસિંહ પરમાર તેમજ ફેલો શ્રી અશોકભાઇ મકવાણાએ શ્રી ચિંતન રાવલ સાથેની યાદગાર પળોને યાદ કરી તેમની કાર્યશૈલીને બિરદાવી હતી. શ્રી ચિંતન રાવલ અને શ્રી રેસુંગ ચૌહાણને શુભેચ્છા પાઠવવાની સાથે ભવિષ્યમાં તેઓ ઉત્તરોત્તર પ્રગતિ કરે તેવી શુભકામનાઓ પાઠવી હતી. કાર્યક્રમનું સંચાલન માહિતી મદદનીશશ્રી કૌશિક શીશાંગીયાએ કર્યું હતું.
આ અવસરે કચેરીના અધિક્ષકશ્રી યુ.જે.બરાળ, સિનિયર સબ એડીટરશ્રી એસ.એન.મકવાણા, માહિતી મદદનીશશ્રી કૌશિક શીશાંગીયા, સહાયક અધિક્ષકશ્રી જે.કે. બાંભણીયાએ શ્રી ચિંતન રાવલને શાલ ઓઢાડી તથા શ્રી ફળ આપી શુભેચ્છા પાઠવી હતી.
વિદાય સમારોહમાં ભાવનગર જિલ્લા માહિતી કચેરીના કર્મીઓ તેમજ બોટાદ કચેરીના શ્રી અમિતભાઇ મહેતા અને શ્રી વિજયભાઇ મહેતા ઉપસ્થિત રહ્યાં હતાં.
