જામનગર: વર્લ્ડ પાવર લીફટિંગ ચેમ્પિયન તથા ગુજરાત કિસાન કૉંગ્રેસ ના વાઈસ ચેરમેન અને અનેકવિધ સેવકીય સંસ્થાઓ સાથે જોડાયેલા અને સેવાકીય પ્રવૃત્તિ માં અગ્રેસર રહેનાર શ્રી કર્ણદેવસિંહ જાડેજા દ્વારા દર વર્ષે દિવાળી નિમિત્તે ગરીબો અને રોડ રસ્તા પર ભિક્ષા વૃત્તિ કરી પોતાનું જીવન ગુજારનાર લોકો ને નવા કપડાં નું વિતરણ કરી દિવાળી ની ઉજવણી કરવામાં આવે છે.
આ વર્ષે પણ વિવિદ્ય સંસ્થાઓ માં અને રોડ રસ્તા પર ભિક્ષા વૃત્તિ કરી જીવન ગુજારનાર લોકો ને નવા કપડાં નું દાન આપી દિવાળી ની ઉજવણી કરવામાં આવી જેમાં અંધાશ્રમ ખાતે અંધ બાળકો ને કપડાં વિતરણ કરી ત્યાર બાદ વૃધ્ધાઆશ્રમ આણંદા-બાવા લીમડા લાઈન, જિલ્લા જેલમાં મહિલા કેદીઓ અને તેમની સાથે રહેતા બાળકો ને કપડાં વિતરણ કર્યા બાદબાલા હનુમાન મંદિર થી શરૂ કરી મંદિરો તથા રોડ રસ્તા પર ભિક્ષા વૃત્તિ કરનાર તમામ લોકો ને કપડાં વિતરણ દીવાળીની વજવણી કરવા માં આવી હતી.
આ કાર્યક્રમ માં જિલ્લા કૉંગ્રેસ પ્રમુખ જીવણભાઈ કુંભરવાડિયા, મહામંત્રી કે.પી બથવાર, તાલુકા કૉંગ્રેસ પ્રમુખ ઉપેન્દ્રસિંહ જાડેજા, જિલ્લા પંચાયતના સદસ્ય પ્રભાતભાઈ જાટીયા, બાલુભાઈ લુણા, ગિરિરાજસિંહ રાઠોડ, ચંદ્રસિંહ જાડેજા, ધર્મરાજસિંહ જાડેજા, શક્તિસિંહ ચુડાસમા, સિદ્ધરાજસિંહ પરમાર, દિનેશભાઇ કંબોયા વગેરે જોડાયા હતા
