શક્તિ ભક્તિ અને આસ્થાનો ત્રિવેણી સંગમ એટલે જગ વિખ્યાત યાત્રાધામ અંબાજી ગુજરાત અને રાજસ્થાનની સરહદે આવેલું છે. તાજેતરમાં દેવદિવાળી પર્વ સુખ સંપન્ન રીતે પૂર્ણ થયો છે, ત્યારે હાલમાં પણ માતાજીના ભક્તો અંબાજી ખાતે દર્શન કરવા આવી રહ્યા છે. સોમવારે સવારે દેશની સૌથી પ્રસિદ્ધ સીરીયલ તારક મહેતા કા ઉલ્ટા ચશ્મા ના અબ્દુલચાચા પોતાના પરિવાર સાથે અંબાજી મંદિર ના દર્શન કરવા આવ્યા હતા. રાજસ્થાનના પાલી તેમનું મૂળ વતન છે અને હાલમાં તેઓ મુંબઇ ખાતે રહે છે. શરદ સાંખલા બૉલીવુડની ઘણી ફિલ્મોમાં પણ અભિનય કરેલ છે.
વહેલી સવારે અંબાજી મંદિર ખાતે તેઓ પોતાના પરિવાર સાથે આવ્યા હતા, અંબાજી મંદિર ટ્રસ્ટ તરફથી તેમનું સ્વાગત કરવામાં આવ્યુ હતુ.અંબાજી મંદિરના ગર્ભગૃહમાં જઈને તેમને માતાજીના દર્શન કર્યા હતા. ત્યારબાદ ભટ્ટજી મહારાજની ગાદી પર જઈને આશીર્વાદ લીધા હતા. શરદ સાંખલા માતાજીના બહુ મોટા ભક્ત છે.
:- અંબાજીમાં સોડા પીધી :-
તારક મહેતા કા ઉલ્ટા ચશ્મા સીરીયલ માં અબ્દુલચાચા પોતાની સોડા ની દુકાન ધરાવે છે. અંબાજી ખાતે આજે તેમને ખોડીયાર ચોકમાં આવેલી સોડાની લારી પર સોડા પીધી હતી.
અંબાજી પ્રહલાદ પૂજારી
