➡️ પોલીસ મહાનિરીક્ષક શ્રી અશોકકુમાર યાદવ સાહેબ,ભાવનગર રેન્જ,ભાવનગર તથા પોલીસ અધિક્ષક શ્રી જયપાલસિંહ રાઠોડ સાહેબે લોકલ ક્રાઇમ બ્રાન્ચનાં પોલીસ ઇન્સ. શ્રી વી.વી.ઓડેદરા તથા પો.સબ ઇન્સ. શ્રી એન.જી.જાડેજા અને પો.સબ ઇન્સ. શ્રી પી.આર. સરવૈયા તથા એલ.સી.બી.નાં સ્ટાફને ભાવનગર જીલ્લામાં થતી મિલ્કત સંબંધી/ વાહન ચોરી સંબંધી ગુન્હાઓ શોધી કાઢી આરોપીઓને ઝડપી લેવા સુચના આપેલ.
➡️ આજરોજ ભાવનગર, એલ.સી.બી. સ્ટાફનાં માણસો પો.ઇન્સ.,એલ.સી.બી.,ભાવનગર નાંઓની સુચના અને માર્ગદર્શન મુજબ મિલ્કત સંબંધી ગુન્હાઓનાં શકદારોની તપાસમાં પેટ્રોલીંગમાં હતાં.દરમ્યાન પેટ્રોલીંગ ફરતાં-ફરતાં સીદસર ૨૫ વારીયા પાસે, ધારુભાઈ ભરવાડની હોટલની બાજુમાં આવતાં હેડ કોન્સ. અરવિંદભાઇ બારૈયાને બાતમીરાહે હકિકત મળેલ કે,અનવર અલ્લારખભાઈ ચૌહાણ રહે. મકાન નં.૧૬૪,૨૫ વારીયા, સીદસર-શામપરા, ભાવનગરવાળો તથા તેના મિત્રોએ કોઈ જગ્યાએથી તાંબા-પિતળના વાયરો તથા સામાન લાવેલ છે.આ તાંબા-પિતળનાં વાયરો તથા તાંબા પિતળનો સામાન આ અનવર અલ્લારખભાઈ ચૌહાણ ના મકાને રાખેલ છે.ત્યાંથી આ અનવરભાઈ ચૌહાણની અતુલ જેમ રીક્ષા નંબર-GJ-04-W 4775 માં ભરી બહાર કયાંક વેચવા જવાની તૈયારી કરે છે. જે હકિકત આધારે બાતમી વાળી જગ્યાએ આવતાં મકાને કાળા કલરની પીળા પટ્ટાવાળી જુના જેવી રીક્ષામાં વાયરો તથા પ્લાસ્ટીકના કંતાનના કોથળામાં ભરેલ ચીજવસ્તુઓ મકાનમાંથી લાવી રીક્ષામાં ભરતાં …..
(૧) અનિલ ધારશીભાઇ હળવદીયા ઉ.વ.૨૨ ધંધો-હાલ-બેકાર રહે.પ્લોટ નં. ૪૨૩૩/ડી, શર્મા પાર્ક, ઘાંઘળી રોડ,શીહોર જી.ભાવનગર
(૨) ભાર્ગવ કનૈયાલાલ ઉર્ફે કનુભાઇ ભટ્ટ ઉ.વ.૨૩ ધંધો-મજુરી કામ રહે.ભટ્ટેશ્વર મહાદેવવાળી શેરી, ભંડારીયા તા.જી.ભાવનગર
(૩) અનવર ઉર્ફે અનુ અલ્લારખભાઇ ચૌહાણ ઉ.વ.૨૬ ધંધો-રીક્ષા ડ્રાયવીંગ રહે.મકાન નં.૧૬૫,૨૫ વારીયા, સીદસર-શામપરા, તા.જી.ભાવનગર વાળા મળી આવેલ.
આ ત્રણેય માણસો પાસેની રીક્ષામાંથી તથા મકાનના ફળીયા માંથી અલગ- અલગ સાઈઝના કેબલ વાયરો તથા તાંબા પિતળનો સામાન ભરેલ પ્લાસ્ટીક ના કંતાનના કોથળા મળી આવેલ.જે ચીજવસ્તુઓ પોતાની પાસે રાખવા બાબતે આધાર પુરાવાઓ માંગતા પોતાની પાસે કોઈ આધાર પુરાવા- બિલ કે આ ચીજવ્સ્તુઓ કયાંથી અને કોની પાસેથી લાવેલ તે બાબતે પુછતા ફર્યુ-ફર્યુ બોલી કોઈ સંતોષકારક જણાવેલ નહિ. આ ચીજવસ્તુઓ તેઓએ ચોરી અગર તો છળકપટથી મેળવેલ હોવાનું જણાતું હોય.જે નીચે મુજબના વર્ણન-વજન વાળી ચીજવસ્તુઓ મળી આવેલ.
૧. અલગ-અલગ સાઈઝનાનાના-મોટા
કાળા કલરના પોલીકેબ લખેલ
વાયરોના બંડલ નંગ-૧૧
૨. પિતળના નાના-મોટા અલગ-અલગ
આકારનો સામાન ભરેલ પ્લાસ્ટીક
કંતાનના કોથળા નંગ-૯
૩. તાંબાની લાંબી પ્લેટો ભરેલ
પ્લાસ્ટીક કંતાનનો કોથળો નંગ-૧
૪. તાંબાના નાના-મોટા અલગ-અલગ
આકારનો સામાનભરેલ પ્લાસ્ટીક
કંતાન કોથળા-૨
૫. H.P. કંપનીનું લેસર જેટ પ્રો પ્રિન્ટર
૬. કાળા કલરનું ૩૨ ઈંચનું ટી.વી
૭. કાળા-સીલ્વર કલરનું ASUS
કંપની નું ALL IN ONE કોમ્પ્યુટર
૮. કાળા તથા પીળા કલરની જુના
જેવી અતુલ કંપનીની રીક્ષા રજી.નં.
GJ-04-W-4775
૯. અલગ-અલગ કંપનીનાં મોબાઇલ
નંગ-૦૩
➡️ આમ,ઉપરોકત કુલ રૂ.૭,૫૨,૦૦૦/- નો તમામ મુદ્દામાલ શક પડતી મિલ્કત ગણી તપાસ અર્થે કબ્જે કબ્જે કરી ત્રણેય ઇસમોને હસ્તગત કરવામાં આવેલ.આ ત્રણેય ઇસમોને આગળની વધુ કાર્યવાહી માટે વરતેજ પોલીસ સ્ટેશન ખાતે સોંપી આપવામાં આવેલ છે.
➡️ આમ,ભાવનગર,એલ.સી.બી. પોલીસે આરોપી ઓને પકડી વરતેજ પોલીસ સ્ટેશનમાં દાખલ થયેલ ઘરફોડ ચોરીઓનો ભેદ ઉકેલવામાં ખુબ જ મહત્વની સફળતા મળેલ છે.
➡️ આ સમગ્ર કામગીરીમાં એલ.સી.બી.નાં પોલીસ ઇન્સ.શ્રી વી.વી.ઓડેદરા તથા પો.સબ ઇન્સ.શ્રી એન.જી.જાડેજા તથા પો.સબ ઇન્સ. શ્રી પી.આર.સરવૈયાનાઓની સુચના અને માર્ગદર્શન હેઠળ એલ.સી.બી. સ્ટાફનાં પો.હેડ કોન્સ. મહિપાલસિંહ ગોહિલ, ઘનશ્યામભાઇ ગોહિલ, મહેન્દ્દભાઇ ચૌહાણ, જયરાજસિંહ જાડેજા, અરવિંદભાઇ બારૈયા તથા પો.કોન્સ. સંજયભાઇ ચુડાસમા, ધર્મેન્દ્દસિંહ ગોહિલ વિગેરે સ્ટાફના માણસો જોડાયા હતાં.
